familia d'inseutos From Wikipedia, the free encyclopedia
Los geométridos (Geometridae) son una familia de lepidópteros glosaos del cladu Ditrysia, que les gates carauterícense por ser geomensoras, lo que significa que se mueven en forma similar a cuando midimos a palmos, cola mano abierta y depués xuntamos el meñique col pulgar. Son de tamañu medianu a pequeñu, d'ales xeneralmente triangulares, les canesbes atópense acomuñaes al tipu de vexetación del cual aliméntense.
Geometridae ![]() | ||
---|---|---|
![]() | ||
Clasificación científica | ||
Reinu: | Animalia | |
Filu: | Arthropoda | |
Subfilu: | Hexapoda | |
Clas: | Insecta | |
Orde: | Lepidoptera | |
Suborde: | Glossata | |
Infraorde: | Heteroneura | |
(ensin clasif.): | Ditrysia | |
Superfamilia: | Geometroidea | |
Familia: |
Geometridae Leach, 1815 | |
Especie tipu | ||
Geometra papilionaria (Poliya esmeralda) | ||
Subfamilies | ||
| ||
Consultes | ||
[editar datos en Wikidata] |
La mayoría son de tamañu moderáu con valumbu d'alredor de 3 cm, pero hai variaciones de tamañu. Munchos geométridos tienen l'abdome delgáu y ales anches. Polo xeneral, cuando tán en reposu tán planes y esplegaes sobre'l sustratu, coles ales posteriores espuestes. Esto les diferencia de los nóctuidos que suelen tár coles ales plegaes enriba del abdome. Tou esto da-yos una apariencia similar a les caparines diurnes, magar son típiques caparines nocherniegues. La mayoría vuela de noche pero dalgunes facenlo de día. Les ales tienen un frénulo que caltién xuníes les ales anteriores coles posteriores. Les antenes de los machos suelen ser plumoses. Les ales y cuerpu acostumen a presentar un diseñu entrevesgáu de llinies ondulantes col cual mimetizan el sustratu. En delles especies la fema escarez d'ales o les tien atrofiaes y non funcionales; tienen órganos timpánicos carauterísticos na base del abdome, ausentes nes femes non voladores.
Les canesbes reciben el nome de gates xeómetres o viérbenes mididores y tienden a ser verdes, grises o parduces y despíntense de los predadores adoptando una postura qu'asemeya la d'un tallito que brota d'una caña o mimetizando el sustratu. Xeneralmente aliméntense de fueyes pero dalgunes comen liquen, flores o polen. Inclusive esisten delles especies en Ḥawai, miembros del xéneru Eupithecia, que son carnívoros.
Tienen dos pares de pates falses nel abdome (6º y 10º segmentu), por eso tienen esa forma típica de desplazamientu que-yos da'l nome.
Calcúlense alredor de 26.000 especies arrexuntaes en nueve subfamilies. Pero la sistemática d'esta familia nun ta bien clara y sigue siendo estudiada. Ye posible que dalgunes de les subfamilies sían consideraes families independientes nel futuru.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.