![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ed/Ripuarisch.png/640px-Ripuarisch.png&w=640&q=50)
Fráncicu ripuariu
From Wikipedia, the free encyclopedia
El fráncicu ripuario o franconio ripuario (n'alemán Ripuarisch, en ripuario Ripoaresch; del llatín ripa 'oriella') ye un conxuntu de dialeutos del alemán, parte del grupu central occidental. Xunto col luxemburgués, el fráncicu moselano y el fráncicu renano constitúi la familia dialeutal del fráncicu central, siendo la so variedá más noroccidental. El so nome provién de los francos ripuarios, un pueblu francu que s'estableció a veres del Rin a partir del sieglu IV.
![]() 'Ripoaresch' | |
---|---|
Faláu en | ![]() ![]() ![]() |
Rexón | Renania del Norte-Westfalia, Renania-Palatináu, Liexa, Limburgu |
Familia | Indoeuropéu Xermánicu |
Estatus oficial | |
Oficial en | Nengún país |
Reguláu por | Nun ta reguláu |
Códigos | |
ISO 639-1 | nengún |
ISO 639-2 | gem |
ISO 639-3 | ksh |
![]() Área llingüística del ripuario |
Fálase principalmente nel estáu federáu de Renania del Norte-Westfalia, al sur de la llinia de Benrath, dende'l noroeste de Düsseldorf y Colonia hasta Aquisgrán al oeste, y Waldbröl al este. Tamién s'estiende al norte de Renania-Palatináu, l'área d'Eupen (este de Bélxica) y dellos conceyos estremeros de los Países Baxos (Kerkrade, nel Limburgu neerlandés).
Les variedaes que conformen el ripuario se autodenominan Platt: asina, el Öcher Platt ye la fala d'Aquisgrán, el Eischwiele Platt la d'Eschweiler, el Bönnsch Platt la de Bonn, etc. D'ente toes elles, la más conocida ye'l ripuario de Colonia, el Kölsch.