![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/45/BrushyBasin.jpg/640px-BrushyBasin.jpg&w=640&q=50)
Formación xeolóxica
From Wikipedia, the free encyclopedia
Una formación o formación xeolóxica ye una unidá litoestratigráfica formal que define cuerpos de roques carauterizaos por unes propiedaes litolóxiques comunes (composición y estructura) que les estremen de les axacentes. Ye la principal unidá de división litoestratigráfica. Pueden acomuñar n'unidaes mayores (grupos), subdividise (miembros) o estremase unidaes menores significatives (capes). La disciplina xeolóxica que s'ocupa de les unidaes litoestratigráficas ye la Estratigrafía.
![Thumb image](http://upload.wikimedia.org/wikipedia/commons/thumb/4/45/BrushyBasin.jpg/320px-BrushyBasin.jpg)
Según la Comisión Internacional d'Estratigrafía, el conxuntu de roques sedimentaries de la corteza terrestre tendría de tar dafechu definíu por aciu formaciones, ente que nun sería obligatoriu faelo con otros tipos d'unidaes litoestratigráficas.[1] Nun hai una llende d'espesura pa poder establecer una formación, pero les normes internacionales indiquen que, siquier, han de ser representables nun mapa xeolóxicu —usualmente d'escala 1:50 000 a 1:25 000—.
El términu «formación» suel usase tamién informalmente pa designar conxuntos de roques o estructures xeolóxiques que comparten determinaes carauterístiques, como «formación arrecifal» (atendiendo al orixe), «formación siliciclástica» (atendiendo a la composición), «formación d'estalactites» (pa describir un conxuntu homoxéneu d'estructures), etc.