Fabricantes de neumáticos pa Fórmula 1
From Wikipedia, the free encyclopedia
Plantía:Resume de Fórmula 1
Na historia de la Fórmula 1 participaron dellos fabricantes de neumáticos. Dende 2001 Michelin (que'l so debú foi en 1977) volvió a la Fórmula 1 pa competir con Bridgestone, que debutó como suministrador en 1997 (anque los sos neumáticos debutaron realmente en 1976, pero namái en Fuji). D'antiguo, Goodyear o Dunlop tamién participaron nesta competición.[1][2][3]
La más llonxeva de manera continua de toes foi Goodyear que participó ininterrumpidamente dende 1964 hasta 1998, llogrando en 364 ocasiones que dalgún de los sos coches ganara un gran premiu.
Por cuenta de la decisión de la FIA d'imponer un únicu fabricante de neumáticos nel Mundial a partir del 2008, Michelin anunció que dexaba la Fórmula 1 dempués del campeonatu de 2006. D'esta miente, Bridgestone ye l'únicu provisor de neumáticos dende l'añu 2007[4] hasta'l 2010.[5]
En 2009 Bridgestone anunció que nun siguiría na competición más allá de 2010, polo que se tuvo buscando un sustitutu. N'abril de 2010, Michelín anunció que taríen interesaos en subministrar neumáticos a partir de 2011 cola condición de que nun fueren los únicos provisores, que compitieren con otros fabricantes. A parte de la marca francesa, tamién sonaron les coreanes Hankook y Kumho. Goodyear y Pirelli yá confirmaron que nun taben interesaes, anque esta postrera rectificaría la so postura en casu de que se cumplieren les condiciones qu'estableció Michelín.
Finalmente, la FIA anunció que la casa italiana Pirelli sería'l provisor únicu de neumáticos a partir de 2011.[6]