From Wikipedia, the free encyclopedia
Eta Scorpii (η Sco / HD 155203 / HR 6380) ye una estrella de magnitú aparente +3,33[7] asitiada na constelación del Escorpión. Ye la estrella más meridional ente les que formen la figura clásica de la constelación, nun siendo visible percima de llatitú 47ºN.[8]
A diferencia de munches de les estrelles del Escorpión, estrelles OB pertenecientes a l'Asociación estelar de Scorpius-Centaurus, Eta Scorpii ye una estrella muncho más cercana —distante 72 años lluz— de tipu espectral F5, catalogada indistintamente como xigante, subxigante o estrella de la secuencia principal. La so lluminosidá, 17,5 vegaes mayor que la lluminosidá solar, y la so temperatura superficial de 6700 ~ K, conducen a un diámetru 3,1 vegaes más grande que'l del Sol. Estos parámetros indiquen qu'Eta Scorpii apenes ta empecipiando'l so tresformamientu en xigante; paez qu'acaba de rematar la combustión del so hidróxenu internu, polo qu'en cierto se debe ser considerada como una verdadera subxigante. Con una masa de 1,7 mases solares, puede tener una edá averada de 1800 millones d'años.[8]
Eta Scorpii amuesa una alta velocidá de rotación, igual o superior a 155 km/s, implicando un periodu de rotación de menos d'un día. El campu magnéticu estelar esistente, consecuencia de la so rápida rotación, produz el calentamientu del so corona, que emite rayos X. Tien una metalicidá comparable a la del Sol.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.