Estación d'esquí de San Isidro
From Wikipedia, the free encyclopedia
La estación d'esquí de San Isidro, inaugurada en 1974, ta asitiada nel puertu homónimu del cordal Cantábricu, na zona norte de la provincia de Lleón, comunidá autónoma de Castiella y Lleón, España. Les sos instalaciones atópense nos términos municipales de Puebla de Lillo y Valdelugueros, que se correspuenden colos valles del Altu Porma y del Altu Curueño. Ye propiedá de la Diputación Provincial de Lleón, que encárgase de la so xestión, al igual que la tamién lleonesa Ḷḷeitariegos.
Estación d'esquí de San Isidro | |
---|---|
Situación | |
Tipu | estación de esquí (es) |
Coordenaes | 43°02′49″N 5°22′40″W |
Datos | |
La estación, que cunta con grandes posibilidaes d'ampliación, tien 27,5 quilómetros de pistes esquiaderes, distribuyíes en cuatro sectores: Requejines, Riopinos, Cebolledo y Salencias-La Raya, perfectamente comunicaos ente sigo. El nivel de les pistes ye dende primeriza hasta espertu, con 5 pistes verdes, 9 azules, 13 coloraes y 4 negres, sumando un total de 31 pistes, amás d'un circuitu de fondu abalizáu, dexando la práutica de cualesquier de les modalidaes d'esquí modernu.