Esploración de Marte
From Wikipedia, the free encyclopedia
La esploración espacial de Marte empezó nel contestu de la carrera espacial ente Estaos Xuníos y la Xunión Soviética, mientres la Guerra Fría ente estos dos países. L'interés en Marte y na posibilidá de qu'allugue vida, remóntase yá a 1877 cuando l'astrónomu italianu Giovanni Schiaparelli afirmó haber vistu canales por tol planeta. Darréu, otros astrónomos intentaren comprobar la postulación del astrónomu d'Estaos Xuníos Percival Lowell que suxuría que les presuntes canales descubiertes por Schiaparelli yeren un sistema de regación creáu por seres intelixentes. Anque nun había pruebes reales d'estes especulaciones, creóse toa una serie de teoríes o mitos sobre Marte, que trescendieron na lliteratura y na creación de lleendes sobre supuestos marcianos que faíen visites a distintes partes de la Tierra.