Espectrómetru de mases
From Wikipedia, the free encyclopedia
La espectrometría de mases ye una téunica d'analís que dexa determinar la distribución de les molécules d'una sustancia en función de la so masa. El espectrómetru de mases ye un dispositivu que dexa analizar con gran precisión la composición de distintos elementos químicos y isótopos atómicos, dixebrando los nucleos atómicos en función de la so rellación ente masa y carga (m/z). Puede utilizase pa identificar los distintos elementos químicos que formen un compuestu, o pa determinar el conteníu isotópico de distintos elementos nun mesmu compuestu. Con frecuencia atópase como detector d'un cromatógrafu de gases, nuna téunica híbrida conocida poles sos iniciales n'inglés, GC-MS.
![Thumb image](http://upload.wikimedia.org/wikipedia/commons/thumb/e/e2/NanoESIFT.jpg/220px-NanoESIFT.jpg)
L'espectrómetru de mases mide razones masa/carga d'iones, caleciendo un fexe de material del compuestu a analizar hasta vaporizarlo y ionizar los distintos átomos. El fexe d'iones produz un patrón específicu nel detector, que dexa analizar el compuestu. Na industria ye una téunica altamente utilizada nel analís elemental de semiconductores, biosensores, cadenes polimériques complexes, fármacos, productos de síntesis química, analís forense, contaminación medioambiental, arumes y tou tipu de analitos que sían susceptibles de pasar a fase vapor y ionizarse ensin descomponese.