From Wikipedia, the free encyclopedia
L'escudu d'Ayer, conceyu asturianu, ye un escudu dividíu en cuatro partes o cuarteles.
Nel primeru d'ellos, el d'enriba a la izquierda, vense tres castiellos d'oru que faen referencia a los qu'en tiempos pasaos hubo nel conceyu: los de Peḷḷuno, Soto y El Pino.
Nel segundu, enriba a la derecha, tán representaes les armes de los Quirós per aciu de dos llaves, seis lunetes puestos de tres en tres y tres flores de lis d'oru.
El terceru, abaxo a la izquierda, ta dedicáu a les armes de los Solís, siendo un sol d'oru sobre fondu de gules.
Por último, nel cuartu, abaxo a la derecha, ye pa les armes de les families Castañón y Nembra. Vese una castañal de la que sal un brazu armáu con un calderu colgando d'él.
Nel centru de los cuarteles ta la Cruz de la Victoria n'oru y piedres precioses.
Rematando'l conxuntu alcuéntrase la corona real, yá que'l conceyu foi realengu de Doña Urraca "l'asturiana", reina de Navarra, d'Asturies, y Señora d'Ayer.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.