![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/SantaScolastica_Montecassino.jpg/640px-SantaScolastica_Montecassino.jpg&w=640&q=50)
Escolástica de Nurcia
From Wikipedia, the free encyclopedia
Santa Escolástica (2 de marzu de 480, Norcia (es) – 10 de febreru de 547, Villa Santa Lucía (es)
) foi una relixosa italiana elevada a los altares pola Ilesia católica.
Escolástica de Nurcia![]() | |||
---|---|---|---|
![]() | |||
| |||
Vida | |||
Nacimientu |
Norcia (es) ![]() | ||
Muerte |
Villa Santa Lucía (es) ![]() | ||
Familia | |||
Hermanos/es | Benitu de Nursia | ||
Oficiu | monxa | ||
Santoral | |||
10 de febreru | |||
Creencies | |||
Relixón | Ilesia Católica | ||
Orde relixosa |
monjas de la orden de San Benito (es) ![]() | ||
![]() |
Hermana de san Benitu de Nursia,[1] foi consagrada al serviciu divín dende neña. Cuando'l so hermanu fundó Montecassino, abrió cerca un conventu cola mesma regla, llamáu Piumarola, del qu'Escolástica foi abadesa.
Tenía'l costume de visitar a San Benitu una vegada al añu y como nun taba dexáu qu'entrara al monesteriu, él salía al so alcuentru pa llevala a una casa d'enfotu, onde los hermanos pasaben la velada orando, cantando himnos d'allabancia a Dios y aldericando asuntos espirituales.[2] Sobre la última visita, San Gregorio fai una notable descripción, na cual, la santa, presintiendo que nun volvería ver más al so hermanu, rogólu que nun partiera esa nueche sinón a otru día, pero San Benitu sintióse incapaz de romper les regles del so monesteriu.
Entós, Santa Escolástica apeló a Dios con una fervosa oración por qu'interviniera na so ayuda, y darréu, españó una fuerte nube que torgó que'l so hermanu tornara al monesteriu. Los dos santos pasaron la nueche falando de les coses santes y d'asuntos espirituales. Trés díes depués, la santa morrió, y el so hermanu, que s'atopaba embaíu na oración, tuvo la visión de l'alma de la so hermana xubiendo al cielu en forma de palombu.[3]