![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2e/Erosioenparamo.jpg/640px-Erosioenparamo.jpg&w=640&q=50)
Erosión y sedimentación eólica
From Wikipedia, the free encyclopedia
La erosión eólica ye la gastadura de les roques o la remoción del suelu por cuenta de la aición del vientu. El vientu ye un axente de modeláu del relieve que puede acarretar grandes cantidaes de polvu al traviés del mundu, pero los granos de sable solo pueden ser tresportaos a distancies relativamente curties. El cuarzu ye'l mineral más abondosu nes partícules de sable; de normal ye resistente a la meteorización química, a la disolución y a l'abrasión, esto ye, que la erosión eólica ye referente al vientu cola arenuca que s'atopa na tierra.[1] L'arena atópase distribuyida por tola superficie terrestre, pero particularmente nos desiertos, les mariñes, estuarios de ríos y espacios que rexistraron glaciaciones. Paez que l'agua pudo ser l'axente orixinal que causó la concentración de les potentes mases de sable de los desiertos, el vientu sería l'axente de redistribución y la xénesis d'un ampliu mostrariu de formes sedimentaries. Munchos de los grandes depósitos, especialmente los llamaos mares de sable o ergs, paecen ser la resultancia d'una importante actividá fluvial mientres el Cuaternariu.
![Thumb image](http://upload.wikimedia.org/wikipedia/commons/thumb/2/2e/Erosioenparamo.jpg/640px-Erosioenparamo.jpg)