Entidá subnacional
clase de tolos tipos de división alministrativa qu'usa l'alministración d'un pais determináu / From Wikipedia, the free encyclopedia
Entidá subnacional ye un términu xenéricu pa designar les divisiones territoriales que tienen los Estaos soberanos en cualquier nivel, davezu, con calter políticu-alministrativu, anque tamién pueden sirvir pa efeutos militares, eclesiásticos, xudiciales o otros.
Una entidá subnacional normalmente supón un gobiernu o una alministración llocal qu'inclúi diverses llocalidaes, contornes, conceyos o provincies con un ciertu grau d'autonomía, nun númberu variable de materies.
El términu pue ser confusu, yá que n'estaos que nun son un Estáu nación pue asoceder que les entidaes subnacionales seyan, en realidá, "naciones".
Les entidaes subnacionales son un conceutu distintu al de les árees dependientes, una y bones les primeres formen parte del nucleu del respeutivu Estáu.