Economía política
From Wikipedia, the free encyclopedia
La espresión economía política foi introducida per primer vegada por Antoine de Montchrestien en 1615, y utilizóse pal estudiu de les rellaciones de producción, especialmente ente les trés clases principales de la sociedá capitalista o burguesa: capitalistes, proletarios y terratenientes. En contraposición coles teoríes de la fisiocracia, nes cualos la tierra yera vista como l'orixe de toa riqueza, la economía política propunxo (primero con Adam Smith) la teoría del valor-trabayo, según la cual el trabayu ye la fonte real del valor. A la fin del sieglu XIX, la espresión economía política foi pasu ente pasu abandonada pol términu economía,[1] usáu por quien buscaben abandonar la visión clasista de la sociedá, reemplazándola pol enfoque matemáticu, axomáticu y non valorativo de los estudios económicos actuales, y que concebía'l valor aniciáu na utilidá que'l bien xeneraba nel individuu.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Anguaño, el términu economía política utilízase comúnmente pa referise a estudios interdisciplinarios que se sofiten na economía, la socioloxía, l'antropoloxía, el derechu y la ciencia política pa entender cómo les instituciones y les redolaes polítiques inflúin sobre la conducta de los mercaos. Dientro de la ciencia política, el términu refierse principalmente a les teoríes lliberales, marxistes o d'otru tipu qu'estudien les rellaciones ente la economía y el poder políticu dientro de los estaos. La economía política internacional ye, sicasí, una caña de la economía a la que-y concierne'l comerciu, les finances internacionales y les polítiques estatales qu'afecten l'intercambiu internacional, como les polítiques monetaries y fiscales.