![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/41/Espa%25C3%25B1a_-_Divisi%25C3%25B3n_provincial_y_regional_de_1833.svg/langast-640px-Espa%25C3%25B1a_-_Divisi%25C3%25B3n_provincial_y_regional_de_1833.svg.png&w=640&q=50)
División territorial d'España en 1833
reforma de la organización alministrativa d'España / From Wikipedia, the free encyclopedia
La división territorial d'España de 1833 foi un proyeutu de reforma alministrativa entamáu, inmediatamente dempués de la muerte de Fernando VII, pol primer gobiernu de la rexente María Cristina de Borbón-Dos Sicilies, dirixíu por Francisco Cea Bermúdez. El so secretariu d'Estáu de Fomentu, Javier de Burgos, afitó, al traviés d'un decretu aprobáu'l 30 de payares de 1833, la división d'España en provincies y rexones[1][2], que pervive anguaño inalterada esceutu pola división de la que yera provincia de Canaries en dos. La circular creó un estáu centralizáu dividíu en 49 provincies y 15 rexones. Toles provincies, sacante cuatro que conservaron les sos antigües denominaciones (Navarra, Araba, Gipuzkoa y Bizkaia), recibieron el nome de les sos respeutives capitales[3].
![Thumb image](http://upload.wikimedia.org/wikipedia/commons/thumb/4/41/Espa%C3%B1a_-_Divisi%C3%B3n_provincial_y_regional_de_1833.svg/640px-Espa%C3%B1a_-_Divisi%C3%B3n_provincial_y_regional_de_1833.svg.png)
El proyeutu de Javier de Burgos ye perasemeyáu al proyeutu de división territorial de 1822. Desapaecen, respeuto a aquelli, les provincies de Calatayud, Vierzo y Xàtiva, y camuda'l nome de delles otres provincies al proponese agora una capital nueva[4].
Con todo a Don Javier de Burgos corresponde más el mérito de haber emprendido, dirigido y elaborado una nueva división provincial de España el valor y la voluntad política de haber puesto en vigencia una división anterior como la de 1822 colos retoques y modificaciones que creyó oportunas.Martínez Díez, Gonzalo, Génesis histórica de la provincia de Burgos y sus divisiones administrativas, Aldecoa, Burgos, 1983. ISBN 84-7009-214-6