![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/05/Parentesi_Uncinate.svg/langast-640px-Parentesi_Uncinate.svg.png&w=640&q=50)
Desigualdá matemática
From Wikipedia, the free encyclopedia
En matemátiques, una desigualdá ye una rellación d'orde que se da ente dos valores cuando éstos son distintos (en casu de ser iguales, lo que se tien ye una igualdá).
![Thumb image](http://upload.wikimedia.org/wikipedia/commons/thumb/0/05/Parentesi_Uncinate.svg/200px-Parentesi_Uncinate.svg.png)
Si los valores en cuestión son elementos d'un conxuntu ordenáu, como los enteros o los reales, entós pueden ser comparaos.
- La notación a < b significa a ye menor que b;
- La notación a > b significa a ye mayor que b
estes rellaciones conócense como 'desigualdaes estrictes, yá que a nun puede ser igual a b; tamién puede lleese como "puramente menor que" o "puramente mayor que".
- La notación a ≤ b significa a ye menor o igual que b;
- La notación a ≥ b significa a ye mayor o igual que b;
estos tipos de desigualdaes reciben el nome de desigualdaes amplies (o non estrictes).
- La notación a ≪ b significa a ye enforma menor que b;
- La notación a ≫ b significa a ye enforma mayor que b;
esta rellación indica polo xeneral una diferencia de dellos órdenes de magnitú.
- La notación a ≠ b significa que a nun ye igual a b. Tal espresión nun indica si unu ye mayor que l'otru, o siquier si son comparables.
Pa tener en cuenta:
Xeneralmente tiéndense a confundir los operadores según la posición de los elementos que se tán comparando; didácticamente enséñase que l'abertura ta del llau del elementu mayor. Otra forma de recordar el significáu, ye recordando que'l signu señala/apunta al elementu menor.