Departamentu de Defensa de los Estaos Xuníos
From Wikipedia, the free encyclopedia
El Departamentu de Defensa d'Estaos Xuníos (del inglés: United States Department of Defense (DoD)) ye un departamentu del brazu executivu del gobiernu federal d'Estaos Xuníos encargáu de coordinar y supervisar toles axencies y funciones del gobiernu rellacionaes direutamente cola seguridá nacional y les Fuercies Armaes de los Estaos Xuníos. El Departamentu tien el mayor índiz de tasa d'empléu nel mundu, con más de 2,13 millones de soldaos en serviciu activu, marineros, infantes de marina, pilotos y trabayadores civiles, y más de 1,1 millones de soldaos na Guardia Nacional y miembros del Exércitu, Armada, Fuercia Aérea y na Reserva del Cuerpu de Marines. El total xeneral de serviciu activu ye de pocu más de 3,2 millones de militares y civiles.
Departamentu de Defensa de los Estaos Xuníos | |
---|---|
ministeriu de Defensa y departamentu executivu federal de los Estaos Xuníos | |
Llocalización | |
Sede | El Pentágonu |
Direición | Estaos Xuníos |
Coordenaes | 38°52′16″N 77°03′21″W |
Historia | |
Fundación | 10 agostu 1949 |
Fundador | Harry S. Truman |
Organigrama | |
Presidente | Lloyd Austin (22 xineru 2021) |
Participación empresarial | |
Organización matriz | Gobiernu Federal de los Estaos Xuníos |
Filiales |
ver
|
Propietariu de |
ver
|
Forma parte de |
ver
|
Datos económicos | |
Emplegaos | 2 870 000 (9 febreru 2021) |
Presupuestu | 496 100 000 000 $ |
Varios | |
Premios |
|
Web oficial | |
El Departamentu ta encabezáu pol Secretariu de Defensa, un xefe de gabinete qu'informa direutamente al Presidente de los Estaos Xuníos. El Departamentu de Defensa tien tres departamentos militares subordinaos: el Departamentu del Exércitu, el Departamentu de l'Armada, y el Departamentu de la Fuercia Aérea; que supervisen l'Exércitu, l'Armada, el Cuerpu de Marines y la Fuercia Aérea. Asina mesmu, cuatro servicios nacionales d'intelixencia tán subordinaos al Departamentu de Defensa - l'Axencia d'Intelixencia de Defensa (DIA), l'Axencia de Seguridá Nacional (NSA), l'Axencia Nacional d'Intelixencia-Geoespacial (NGA), y la Oficina Nacional de Reconocencia (NRO). Otres axencies sol mandu del Departamentu de Defensa inclúin a l'Axencia de Proyeutos d'Investigación Avanzaos de Defensa (DARPA), l'Axencia de Loxística de la Defensa (DLA), l'Axencia de Defensa de Misiles (MDA), l'Axencia de Defensa pal Amenorgamientu d'Amenaces (DTRA) y l'Axencia de Fuercies de Proteición del Pentágonu (PFPA), toes elles sol mandu del Secretariu de Defensa. Les operaciones militares del Departamentu de Defensa tán xestionaos por nueve Comandos Combatientes Unificaos rexonales o funcionales. El Departamentu de Defensa tamién opera delles escueles de servicios conxuntos, incluyendo la Universidá Nacional de Defensa (NDU) y el Colexu Nacional de Guerra (NWC).