Constitución Política de los Estaos Xuníos Mexicanos
From Wikipedia, the free encyclopedia
La Constitución Política de los Estaos Xuníos Mexicanos de 1917 ye la norma fundamental, establecida pa rexir jurídicamente al país, que afita les llendes y define les rellaciones ente los poderes de la federación: poder llexislativu, executivu y xudicial, ente los trés órdenes estremaos del gobiernuː el federal, estatal y municipal, y ente toos aquellos y los ciudadanos. Coles mesmes, afita les bases pal gobiernu y pa la organización de les instituciones en que'l poder asítiase y establez, en cuantes que pactu social supremu de la sociedá mexicana, los derechos y los deberes del pueblu mexicanu.
Tipu | constitución |
---|---|
Estáu | Méxicu |
Llingua orixinal | castellanu |
Publicación | 1917 |
Autor | Congreso Constituyente de México (es) |
Robláu por | Venustiano Carranza |
La Constitución de 1917 ye una aportación de la tradición xurídica mexicana al constitucionalismo universal, yá que foi la primer Constitución de la hestoria qu'incluyó derechos sociales[1], espresaos nos artículos 3, 27 y 123, productu de les demandes de les clases populares que protagonizaron la Revolución mexicana.[2]
En total, el testu constitucional cunta nueve títulos que contienen 136 artículos y 19 transitorios. El testu sigue los lineamientos clásicos de les doctrines polítiques al cuntar con una parte dogmática, que toma los primeres 39 artículos y establez derechos y obligaciones, y una parte orgánica, contenida nos 98 artículos restantes y que define la organización de los poderes públicos.
Tuvo como precedentes la Constitución de Apatzingán de 1814, la Constitución de 1824 y la Constitución de 1857. Al respeutive de esta postrera, en términos del sistema políticu, los cambeos principales atópense la eliminación de la reelección del Presidente de la República y del cargu de vicepresidente, según la creación del conceyu llibre[3].