Comerciu atlánticu d'esclavos
From Wikipedia, the free encyclopedia
El comerciu atlánticu d'esclavos, tamién conocíu como'l comerciu tresatlánticu d'esclavos, fai referencia al tráficu d'esclavos que tuvo llugar al traviés del Océanu Atlánticu ente los sieglos XVI y XIX. La inmensa mayoría de los esclavos envueltos nel tráficu atlánticu yeren africanos de les zones centrales y occidentales del continente, na so mayoría prisioneros de les guerres ente etnies rivales que yeren vendíos por comerciantes africanos d'esclavos a compradores europeos, quien los tresportaben a les sos colonies en Norte y Suramérica. Ellí, los esclavos yeren obligaos a trabayar nos plantíos de café, cocu y algodón, nes mines d'oru y plata, nos campos d'arroz, na industria de la construcción, na madera, na construcción de barcos y en llares como sirvientes.
El comerciu d'esclavos ye denomináu «Maafa» por académicos africanos y afroamericanos, términu que significa «holocaustu» o «gran desastre» en Suaḥili. Dellos académicos, como Marimba Ani y Maulana Karenga, utilicen les espresiones «holocasuto africanu» o «holocaustu de la esclavitú».[1]