![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/Cinemaaustralia.jpg/640px-Cinemaaustralia.jpg&w=640&q=50)
Cine asturianu
From Wikipedia, the free encyclopedia
El cine presentóse n'Asturies siete meses depués de la so presentación pública en París. El cine nació oficialmente un 28 d'avientu de 1895 nel Salón Indien del Gran Café de París de la mano de los hermanos Lumière, inventores del so famosu cinematógrafu. Bien llueu presentóse n'Asturies el nuevu inventu, en concretu en Xixón nel marcu de les fiestes de branu. Asina, el sábadu 8 d'agostu de 1896 anunciábase una proyeición de cintes nel Teatru Xovellanos de Xixón, teatru que s'atopaba nel llugar que güei ocupa la biblioteca pública de la ciudá. El valiosu Teatru Xovellanos de Xixón cuntaba yá dende 1889 con enerxía llétrico, siendo'l primer teatru d'España qu'adoptó esti adelantu y por ello yera l'escenariu más afayadizu pa les primeres proyeiciones cinematográfiques.
![Thumb image](http://upload.wikimedia.org/wikipedia/commons/thumb/3/30/Cinemaaustralia.jpg/320px-Cinemaaustralia.jpg)
![Thumb image](http://upload.wikimedia.org/wikipedia/commons/thumb/7/77/Tatro_Jovellanos_Gij%C3%B3n.jpg/640px-Tatro_Jovellanos_Gij%C3%B3n.jpg)