Cien Díes
From Wikipedia, the free encyclopedia
El periodu conocíu como los Cien Díes (en francés Cent-Jours), o Campaña de Waterloo, entiende dende'l 20 de marzu de 1815, fecha del regresu de Napoleón a París dende'l so exiliu n'Elba, hasta'l 28 de xunu de 1815, fecha de la segunda restauración de Lluis XVIII como rei de Francia. Esti periodu pon fin a les llamaes Guerres Napoleóniques, según al imperiu francés de Napoleón Bonaparte.
La espresión Cien Díes foi usada per primer vegada pol prefeutu de París, Conde de Chabrol, nel so discursu de bienvenida al rei, y úsase tamién pa referise a la guerra de la Séptima Coalición. Esti periodu conoció'l postreru de los conflictos del llargu periodu napoleónicu, y tantu el Reinu Xuníu como Rusia, Prusia, Suecia, Austria y dalgunos Estaos alemanes declararon nel Congresu de Viena al Emperador francés fora de la llei y nun lo reconocieron como líder de la nación francesa, aliándose na so contra.