From Wikipedia, the free encyclopedia
Christine Josephine Sandberg, conocida como Christine Cavanaugh (16 d'agostu de 1963, Layton (es) – 22 d'avientu de 2014, Cedar City (es) ) foi una actriz de voz d'Estaos Xuníos.[2] Foi conocida por emprestar la so voz na película de 1995: Babe y Gosalyn Mallard en El Coríu Darkwing ente otros.
Christine Cavanaugh | |
---|---|
Vida | |
Nacimientu | Layton (es) , 16 d'agostu de 1963[1] |
Nacionalidá | Estaos Xuníos |
Llingua materna | inglés |
Muerte | Cedar City (es) , 22 d'avientu de 2014[1] (51 años) |
Causa de la muerte | leucemia |
Estudios | |
Estudios |
Universidá Estatal d'Utah Universidá de Ḥawai Layton High School (en) 1981) |
Llingües falaes | inglés |
Oficiu | actriz, actriz de televisión, actriz de voz, actriz de cine |
Premios |
ver
|
IMDb | nm0004815 |
En 1981 estudió nel Institutu de Layton y darréu ingresaría na Universidá Estatal d'Utah y la d'Hawaii onde conocería al so futuru home: Kevin Cavanaugh, con quien contraería matrimoniu y divorciaríase en 1985.[6] Sicasí, siguió calteniendo'l so apellíu de casada como nome artísticu.[7]
Cavanaugh profesaba la relixón mormona.[8]
Debutó en 1988 como actriz de doblaxe na adautación a la versión n'inglés de la película David and the Magic Pearl. En 1991 pasaría a ser la voz de Gosalyn Mallard en El Coríu Darkwing y en 1994 como Chuckie Finster en Rugrats.
Otros proyeutos nos que trabayó foi en The Critic, Sonic the Hedgehog, 101 Dalmatians: The Series, Hercules: The Animated Series, The Powerpuff Girls, The Wild Thornberrys y Recess.
En 1995 foi escoyida pa emprestar la so voz en Babe al personaxe homónimo y principal,[9] papel que refugó pa la secuela de 1998, añu nel qu'aceptó dar vida a Tommy Pickles en Rugrats.[10] Otra serie destacada na que tuvo foi Dexter's Laboratory siendo al empar la voz comercial pa la cadena Cartoon Network. En 2010 llograría un Premiu Annie a la Meyor Actriz de Voz.[11]
Tocantes a la pequeña pantalla, participó en series como Salute Your Shorts, Cheers, Empty Nest Wings, The X-Files, Everybody Loves Raymond, y ER amás de compartir cartelu con Jerry Maguire en Soulmates.[5]
El 22 d'avientu de 2014 finó na so casa de Cedar City ensin trescender les causes. Nel momentu tenía 51 años.[3][4][5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.