Ceremonia de los Xuegos Olímpicos
From Wikipedia, the free encyclopedia
La Ceremonia de los Xuegos Olímpicos de les Olimpiaes Antigües yeren una parte integral d'estos Xuegos; les Olimpiaes modernes tienen ceremonies d'inauguración, clausura y entrega de medayes. Dalgunos de los elementos de les ceremonies modernes remembren a los Xuegos Antiguos d'onde la Olimpiada Moderna tomen la so ascendencia. Un exemplu d'esto ye la prominencia de Grecia les ceremonies d'apertura y de zarru. Mientres les Olimpiaes del 2004, los ganadores de medaya recibieron una corona de cañes d'oliva, lo cuel foi una referencia direuta a los Xuegos Antiguos onde'l premiu del victoriosu yera una corona d'olivares. Los varios elementos de les ceremonies son axustaos pela Carta Olímpica y nun puede ser camudáu pola nación anfitriona. Inclusive la parte artística de la ceremonia d'apertura y zarru tienen que tener l'aprobación del Comité Olímpicu Internacional (COI).
Les ceremonies evolucionaron col pasu de los sieglos. Los Xuegos Antiguos incorporaron ceremonies pa marcar el principiu y el fin de cada xuegu socesivu. Hai semeyances y diferencies ente les ceremonies Olímpiques antigües y les sos contrapartes modernes. Mientres la presentación de les Olimpiaes evolucionó con meyores en teunoloxía y el deséu de les naciones anfitrionas pa exhibir la so propia espresión artística, los acontecimientos básicos de cada ceremonia quedaron ensin cambeos. La presentación de la ceremonia d'apertura y zarru siguen aumentando n'algame, escala y gastu con cada celebración socesiva de les Olimpiaes, pero caltiénense enraigonaos na tradición.