Central xeotérmica
From Wikipedia, the free encyclopedia
Una central xeotérmica ye una instalación onde se xenera lletricidá por aciu enerxía xeotérmico. Anguaño 24 países tienen en funcionamientu centrales xeotérmiicas, con una capacidá total instalada de 12,8 GW.[1] Los trés primeros productores mundiales son Estaos Xuníos (3525 MW, 27,5 %), Filipines (1915 MW, 15 %) ya Indonesia (1380 MW, 10,8%).[1] Los países que xeneren siquier un 15 % de la so demanda añal de lletricidá por aciu centrales xeotérmiicas son Kenia —con un 51 % del total nacional, la proporción más alta del mundu—,[2] Islandia —con un 29 %—,[3] El Salvador, Filipines y Costa Rica.[ensin referencies]
La enerxía xeotérmico ye anovable yá que la so tasa d'estracción ye pequeña en comparanza col calor de la Tierra.[4] La emisión de gases d'efeutu ivernaderu ye de 45 g de dióxidu de carbonu de media, menos del 5 % que les de les centrales de carbón.[5] Sicasí, el so aprovechamientu ta llindáu a determinaes zones xeográfiques. Aun así, l'Asociación d'Enerxía Xeotérmiica estima qu'anguaño solo s'aprovecha'l 6,5 % del potencial mundial d'enerxía xeotérmico, teniendo en cuenta la conocencia y la teunoloxía actuales.[1]