From Wikipedia, the free encyclopedia
La Cámara de Representantes (en maltés: Kamra tad-Deputati) ye'l órganu llexislativu nacional de la República de Malta. Sicasí, nun ye l'únicu d'un Parllamentu, el de Malta, formalmente compuestu pola Cámara col Presidente del país. Namái estos dos órganos constitucionales exercen nesti país el poder llexislativu conxuntamente Parllamentu; sicasí, el papel del presidente ye anguaño dafechu ceremonial y simbólicu.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Cámara de Representantes de Malta | |
---|---|
Il-Kamra tad-Deputati ta’ Malta House of Representatives of Malta | |
![]() | |
Datos xenerales | |
Tipu | parllamentu unicameral |
Estáu |
![]() |
Sede |
Casa del Parlamento (es) ![]() |
Formáu por |
Member of the House of Representatives of Malta (en) ![]() Senado de Malta (es) ![]() |
Composición | |
Númberu d'escaños | 79 (dende abril 2022) |
![]() | |
Más información | |
parlament.mt | |
![]() |
La Cámara de Representantes tenía la so sede nel Palaciu del Gran Maestre en La Valeta, xunto cola presidencia de la nación. Sicasí, en 2010 empecipiaron obres pa treslladar l'asamblea a una nueva sede na Plaza de la Llibertá. La mesma construyóse ente 2011 y 2015, y conozse como la Casa del Parllamentu de Malta.
La Cámara dispón na actualidá de 71 miembros, llamaos representantes, electos por un mandatu de cinco años por sufraxu universal, llibre, igual, direutu y secretu, por aciu un sistema de votu tresferible únicu proporcional-mayoritariu partíu en trelce distritos eleutorales que tienen atribuyíos cinco escaños cada unu. A pesar de los cambeos introducíos nel sistema eleutoral maltés tendentes a favorecer la presencia de terceros partíos, lo cierto ye que la conciencia política espresada nel votu decantóse siempres por un contundente bipartidismu. Asina, los dos únicos partíos con representación parllamentaria habitual son el Partíu Nacionalista (centru-derecha) y el Partíu Llaborista (centru-izquierda), tando esti anguaño nel poder. Tamién hai nesta llexislatura (2013-2018) un diputáu representáu al Partíu Democráticu de Malta y otru independiente. Los diputaos tamién s'entamen en comisiones parllamentaries.
Los diputaos escueyen al empiezu de la llexislatura al Presidente de la Cámara (llamáu Speaker), qu'arbitra les sesiones, dirixe l'alministración parllamentaria y exerz la representación institucional de la Cámara. El presidente de la Cámara ye la segunda autoridá del Estáu, tres el presidente del país. Tamién esiste un vicepresidente que suple al primeru en casu d'ausencia y aidar nel desempeñu de les sos funciones.
Amás d'exercer el clásicu poder llexislativu (en Parllamentu, xunto col Presidente de Malta), consistente na facultá d'iniciativa llexislativa y la capacidá de enmendar, aprobar y refugar lleis en votación mayoritaria, la Cámara dispón d'otres facultaes, polo xeneral propies d'un sistema parllamentariu, como son el control al gobiernu, la función presupuestaria, etc...
Amás de les sos funciones polítiques ordinaries, ye a la Cámara de Representantes a quien correspuende escoyer al Presidente de Malta cada cinco años; non asina al primer ministru (contra costume), que ye escoyíu por sufraxu direutu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.