From Wikipedia, the free encyclopedia
La barca solar ye un elementu simbólicu de la mitoloxía exipcia venceyáu al ciclu diariu del Sol y al demiurgu que ye acomuñáu con Ra.
Pa los exipcios de l'antigüedá, el ciclu perpetuu de la llegada y la puesta del Sol ye comparable al ciclu de la vida y de la muerte. Asina, cada mañana el Sol naz n'oriente, crez hasta'l cenit, avieya escontra occidente, y depués sume nel reinu de los muertos, la Duat. El dios solar Ra, efectúa esti viaxe diurnu a bordu d'una barca llamada mandyet. La eleición d'una barca como mediu de tresporte entiéndese fácilmente nuna civilización eminentemente fluvial onde'l Nilu representa la vía principal de comunicación y ye fonte primordial d'alimentos gracies a les fertilizantes crecíes, la regación y la pesca.
El periplu perpetuu de Ra nun conoz posa al atapecer, al contrariu, namái empieza de nuevu. Ye n'otra barca, llamada mesektet, na qu'empieza'l so periplu soterrañu, el que traviesa mientres los dolce hores de la nueche antes de poder renacer pela mañana. Nel reinu de los muertos, tien d'enfrentase coles fuercies del caos, nes que'l representante más poderosu ye la culiebra Apofis. Na barca ye acompañáu por otres divinidaes que, como Seth, ayúdenlu a lluchar contra'l caos.
Los exipcios de l'antigüedá imaxinaron qu'acomuñar col dios solar nel momentu del so viaxe perpetuu a bordu de les barques sagraes, les sos almes viviríen eternamente. Asina ye como'l cultu funerariu quedó fuertemente marcáu por esti mitu solar. Por eso, de normal, les tumbes construyeron sobre la ribera occidental del Nilu, onde "muerre" el Sol, y nel ritual funerariu incluyíase travesar el ríu col difuntu sobre barques asemeyaes a les del dios solar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
