Aviación na Primer Guerra Mundial
From Wikipedia, the free encyclopedia
La aviación na Primer Guerra Mundial dexó'l desarrollu de la mayor parte de conceutos de guerra aérea que seríen utilizaos hasta la Guerra de Vietnam. Cuasi dende la so invención, les aeronaves fueron puestes al serviciu militar. Asina, la Primer Guerra Mundial foi la primera onde s'usaron aviones en misiones d'ataque, defensa y de reconocencia.
Dende entamos de la Primer Guerra, en 1914, les Potencies Centrales y la Triple Entente centráronse principalmente na reconocencia operativa de llargu algame. Nel cursu de la guerra, desenvolviéronse cámares fotográfiques que formaron la base del reconocencia aérea d'imáxenes. Coles mesmes, utilizáronse aeronaves pa llanzar bombes y propaganda a les ciudaes enemigues. Les primeres ciudaes en ser bombardiaes fueron Liexa y Amberes el 6 y el 24 d'agostu de 1914, respeutivamente, por zeppelines alemanes.