From Wikipedia, the free encyclopedia
Ailinglaplap (o Ailinglapalap; en marxalés Aelōn̄ļapļap, [ɑ̯ɑ͡æe̯elʲe͡ɤŋ(ʌ)ɫɑ͡æbʲ(æ͡ɑ)ɫɑ͡æpʲ]) ye un atolón de coral de 56 islles nel Océanu Pacíficu. Forma parte de la cadena Ralik nes Islles Márxal. Allúgase a 152 km al noroeste del atolón de Jaluit y percerca de la islla de Jabat. El so área emerxida ye namás de 14,7 km², pero enzarra una llaguna de 750 km².
Atolón d'Ailinglaplap | |
---|---|
| |
Situación | |
![]() | |
Protectoráu | ![]() |
País | ![]() |
Tipu | atolón |
Parte de | Cadena Ralik |
Asitiáu en | Océanu Pacíficu |
Coordenaes | 7°30′N 168°44′E |
Datos | |
Altitú media | 3 m |
Superficie | 14,7 km² |
Población | 1729 y 1959 |
Fusu horariu | UTC+12:00 |
![]() |
La economía del atolón encóntiase nes plantaciones de cocotales.
La población d'Ailinglaplap estimábase en 1999 nunos 2000 habitantes. Los cuatro asentamientos más poblaos son Woja, Jeh, Airok y Bouj. L’ex-presidente de les Islles Márxal, Kessai Note, nació na islla de Jeh.
“Ailinglaplap” traduzse como “l'atolón más grande” porque les lleendes más llexendaries de los marxaleses foron creaes nesti atolón.
Probablemente foi’l 6 de payares de 1803 cuando’l buque mercante inglés Rolla fexo’l primer avistamientu d'europeos a Ailinglaplap.
En 1884 l'Imperiu d'Alemaña reclamó l'atolón xunto col restu de les Islles Márxal. Como parte del comerciu de copra, estableciéronse n’Ailinglaplap varies estaciones comerciales. Depués de la Primer Guerra Mundial la islla quedó baxo'l Mandatu del Pacíficu Sur del Imperiu de Xapón. Tres el final de la Segunda Guerra Mundial, quedó baxo’l control d'EE.XX. como parte del Territoriu en fideicomisu de les islles del Pacíficu hasta la independencia de les Islles Márxal en 1986.
Hai tres pistes d'aterrizaxe nel atolón comunicaes por Air Marshall Islands.
- Aeropuertu d'Ailinglaplap AIP. Atópase al sur: 7°16′45″N 168°49′32″L.
- Aeropuertu de Jeh JEJ ta allugáu al nordeste: 07°33′54″N 168°57′42″L.
- Aeropuertu de Woja WJA atópase al oeste: 7°27′03″N 168°33′00″L.
Hai varies Escueles d'Educación Primaria públiques n’Ailinglaplap: Aerok Ailinglaplap, Buoj, Enewa, Jah, Jeh, Jobwon, Katiej, Mejel y Woja.
Pa la Escuela d'Educación Secundaria dependen del atolón de Jaluit.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.