![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1d/Chuck_Liddell_vs._Rich_Franklin_UFC_115.jpg/640px-Chuck_Liddell_vs._Rich_Franklin_UFC_115.jpg&w=640&q=50)
Artes marciales mestes
From Wikipedia, the free encyclopedia
Artes marciales mestes (más conocíes poles sigles AMM, o MMA n'inglés) ye un términu xenéricu usáu al respeutive de delles modalidaes deportives de combate a contautu plenu que permiten en competición una gran variedá de téuniques y habilidaes de combate, estrayíes d'una mecedura d'artes marciales asina como de tradiciones non marciales. Los reglamentos de competición permiten l'emplegu, tanto en pie como en suelu, d'una riestra téuniques, qu'inclúin golpes (de puñu, pie, coldu, rodía…) y téuniques d'agarrar y proyeutar, o bien inmovilizar, basaes en llaves o palanques. Estes competiciones tán abiertes a artistes marciales de diferente formación, ensin distinción d'escueles. Sicasí les artes marciales mestes pueden prauticase tamién como deportes regulares de contautu, al marxe de los torneos.
Delles organizaciones qu'entamen torneos d'artes marciales mestes son l'Ultimate Fighting Championship (UFC) y l'antiguu PRIDE Fighting Championships. Pal maxín popular, los términos artes marciales mestes y Vale tudo (“Val too”) signifiquen lo mesmo. Ensin embargu esto ye un equivocu darréu qu'hai bien de matices qu'estremen estes disciplines ente elles, y sobre too a dambes de los deportes de contautu llamaos full contact y kickboxing