Archipiélagu Reina Adelaida
From Wikipedia, the free encyclopedia
El archipiélagu Reina Adelaida[Nota 1] ye un archipiélagu asitiáu nel océanu Pacíficu na rexón austral de Chile, al norte del estrechu de Magallanes. Ye unu de los mayores de la patagonia chilena, tien la forma d'un paralelogramu d'unos dos mil milles cuadraes de superficie.
Archipiélagu Reina Adelaida | |
---|---|
Situación | |
País | Chile |
Rexón | Rexón de Magallanes y de l'Antártica Chilena |
Tipu | archipiélagu |
Asitiáu en | Océanu Pacíficu |
Coordenaes | 52°10′00″S 74°40′00″W |
Datos | |
Altitú media | 265 m |
Envalórase que ta conformáu por unes dos mil islles, considerando namái les mayores d'una hectárea de superficie. Les más estenses son: les islles Contreras, Ramírez, y Vidal Gormaz na parte NO; nel llau NE les islles Rennell; al SE les islles Pedro Montt y Manuel Rodríguez y nel llau SO les islles Pacheco y Juan Guillermos.
Alministrativamente pertenez a la provincia Última Esperanza de la XII Rexón de Magallanes y l'Antártica Chilena.[1]
Dende hai aproximao 6.000 años les sos costes fueron habitaes por indíxenes canoeros, antecesores del pueblu kawésqar. A empiezos del sieglu XXI esti pueblu práuticamente sumiera por causa de les emigraciones y sedentarización favorecíes polos misioneros a principios del sieglu XX y de les muertes por enfermedaes y asesinatu que se producieron depués del contautu con cazadores de llobos marinos y otres xentes llegaes al so territoriu.