República Romana
From Wikipedia, the free encyclopedia
La República romana (en llatín: Rēs pūblica Populī Rōmānī, Rōma o Senātus Populusque Rōmānus) foi un periodu de la historia de Roma carauterizáu pol réxime republicanu como forma de gobiernu, que s'estiende dende'l 509 e.C., cuando se punxo fin a la Monarquía romana cola espulsión del últimu rei, Lucio Tarquinio el Sobeyosu, hasta'l 27 e.C., fecha en que tuvo'l so entamu'l Imperiu romanu.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| ||||
|---|---|---|---|---|
| periodu históricu | ||||
| ||||
| Alministración | ||||
| Nome oficial | Res publica Romana (la) | |||
| Capital | Roma | |||
| Forma de gobiernu |
república aristocrática (es)  | |||
| Llingües oficiales | llatín | |||
| Relixón oficial | Relixón na Antigua Roma | |||
| Xeografía | ||||
| Coordenaes | 40°N 10°E | |||
 | ||||
| Superficie | 10000 km² | |||
| Demografía | ||||
| Economía | ||||
| Moneda |
moneda en la Antigua Roma (es) | |||
 | ||||
La República romana consolidó'l so poder nel centru d'Italia mientres el sieglu V a. C. y nos sieglos IV y III a. C. impúnxose como potencia dominante de la península itálica sometiendo a los otros pueblos de la rexón y enfrentándose a les polis grieges del sur. Na segunda metá del sieglu III a. C. proyeutó'l so poder fuera d'Italia, lo que la llevó a una serie d'enfrentamientos coles otres grandes potencies del Mediterraneu, nos que ganó a Cartago y Macedonia, anexonándose los sos territorios.
Nos años siguientes, siendo yá la mayor potencia del Mediterraneu espandióse el so poder sobro les polis grieges; el reinu de Pérgamu foi incorporáu a la República y nel sieglu I a. C. conquistó les costes d'Oriente Próximu, entós en poder del Imperiu seléucida y pirates. Mientres el periodu que toma'l final del sieglu II a. C. y el sieglu I a. C., Roma esperimentó grandes cambeos políticos, provocaos por una crisis consecuencia d'un sistema avezáu a dirixir namái a los romanos y non afechu pa controlar un gran imperiu. Nesti tiempu intensificóse la competencia poles maxistratures ente l'aristocracia romana, creando irreconciliables quebres polítiques que solmenaríen a la República con trés grandes guerres civiles; estes guerres terminaríen destruyendo la República, y desaguando nuna nueva etapa de la historia de Roma: l'Imperiu romanu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
