From Wikipedia, the free encyclopedia
Albert Pla i Álvarez (22 de setiembre de 1966, Sabadell) ye un cantautor español. Suel cantar tantu en catalán como en castellán. Dota los sos cantares d'una particular personalidá estremada, dacuando de ciertu conteníu polémico, y n'otres ocasiones con un toque infantil nes que refuga tou tipu de poder.[1]
Albert Pla | |
---|---|
Vida | |
Nacimientu | Sabadell, 22 de setiembre de 1966 (58 años) |
Nacionalidá | España |
Residencia | Sabadell |
Estudios | |
Llingües falaes |
catalán castellanu |
Oficiu | compositor, cantautor, actor, novelista, guitarrista, artista d'estudiu, cantante, músicu |
Xéneru artísticu |
rock cantautor music (en) |
Instrumentu musical | guitarra |
IMDb | nm0686320 |
albertpla.com y albertpla.com | |
Collaboró con Manolo Kabezabolo, Robe Iniesta (Extremoduro), Fermin Muguruza (Kortatu, Negu Gorriak), Quimi Portet (El Último de la Fila), Kase.O (Violadores del Verso), Estopa, Quico Pi de Serrar, Kiko Veneno, The Kagas, Pascal Comelade y Diego Cortes ente otros; amás d'homenaxar a Pau Riba y Jaume Sisa en más d'una ocasión. Tamién collabora con Estopa nel trabayu d'éstos, X Anniversarium.
Xunto con Rapacín Bombu Infiernu, El Canijo de Xerez (ex- Los Delinqüentes), Lichis (La Cabra Mecánica) y Tomasito graben l'álbum La Peada Voladora y faen xira de conciertos.
Collaboró en producciones cinematográfiques como Airbag, de Juanma Bajo Ulloa; A los que aman, d'Isabel Coixet; Honor de cavallería, d'Albert Serra y Murieron por encima de sus posibilidades, d'Isaki Lacuesta. Amás foi'l protagonista de la obra teatral Caracuero de Helmut Krausser con más de 150 representaciones. N'avientu de 2009 protagonizó la obra teatral "Llits" (Cames), onde actuaba como l'acróbata Lectus.
Amás, el so cantar "Sufre como yo" ye parte de la banda sonora de la película Carne trémula de Pedro Almodóvar.
Cantares sos como "Dexar o nun la dexo" (na que se banciar# ente siguir cola so novia o delatala a la policía por cuenta de la pertenencia d'ésta a una banda terrorista) o "Carta al rei Melchor" amenaron polémica, tando a puntu de nun ser publicaes o tener que camuda-yos el nome, como ye'l casu de la segunda, que orixinalmente titulábase "Carta al rei".
N'ochobre de 2013, manifestó 'A mi siempres me dio ascu ser español' espresando'l so sofitu a la independencia de Cataluña.[2] Tres eses declaraciones suspendió'l so conciertu planiáu en Xixón.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.