From Wikipedia, the free encyclopedia
Agatón (Palermo, Sicilia, c. 577-Roma, 10 de xineru de 681) foi'l papa nᵘ 79 de la Ilesia católica dende 678 hasta la so muerte.[3] Ye veneráu como santu tantu pola Ilesia católica como pola ortodoxa y ye'l patrón de Palermo, la so ciudá natal. Nun se sabe enforma de la so vida antes del so papáu.
Agatón | |||
|---|---|---|---|
 | |||
30 xunu 678 - 10 xineru 681 (Gregorianu) ← Dono - Lleón II → | |||
| Vida | |||
| Nacimientu | Sicilia, 574 | ||
| Nacionalidá |
 Imperiu Bizantín | ||
| Muerte | Roma, 10 de xineru de 681 (106/107 años) | ||
| Sepultura | basílica de San Pedru | ||
| Estudios | |||
| Llingües falaes | llatín[1] | ||
| Oficiu | sacerdote católicu, monxu, escritor | ||
| Llugares de trabayu | Roma | ||
| Santoral | |||
| 10 de xineru y 20 de febreru | |||
| Creencies | |||
| Relixón | Ilesia Católica[2] | ||
| Orde relixosa | Orde de San Benitu | ||
 | |||
Tres la muerte del so padre, partió'l so heriedu ente los probes ya ingresó como legu nel monesteriu benedictín de San Hermes de Palermo, nun tomando les órdenes sacerdotales hasta'l 677, cuando cuntaba con cien años d'edá.
Al añu siguiente, el 27 de xunu, ye escoyíu papa.
El so curtiu pontificáu destaca pola convocatoria del Sestu Conceyu Ecuménicu, celebráu en Constantinopla ente'l 680 y el 681, y que so la presidencia del emperador bizantín Constantino IV condergó'l monotelismo y el monoenergismo.
Coles mesmes consiguió que Constantino IV aboliera l'impuestu de trés mil escudos que, dende Xustinianu I, los papes taben obligaos a pagar pa ver la so eleición confirmada pol emperador.
Finó'l 10 de xineru de 681 y ye veneráu como santu tantu pola Ilesia católica como pola Ilesia ortodoxa. Considérase-y el pontífiz más vieyu de la historia, pos s'especula que morriera con más de 100 años.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
