Aeropuertu Internacional José María Córdova
From Wikipedia, the free encyclopedia
L'Aeropuertu Internacional José María Córdova (IATA: MDE, OACI: SKRG) ye un aeropuertu colombianu allugáu nel conceyu de Rionegro (Antioquia) y que sirve a la ciudá de Medellín. Ye l'aeropuertu más importante del departamentu d'Antioquia y, en términos de fluxu pasaxeru y de carga, ye segundu a nivel nacional dempués del Aeropuertu Internacional El Dorado de Bogotá.[1]
Aeropuertu Internacional José María Córdova | |
---|---|
aeropuertu internacional, aeropuertu, aeródromu y aeródromu de tráficu comercial | |
Llocalización | |
País | Colombia |
Departamentu | Antioquia |
Subregiones (es) | Oriente antioqueño (es) |
Conceyu | Rionegro |
Coordenaes | 6°10′02″N 75°25′36″W |
Altitú | 2141,8 m |
Historia y usu | |
Orixe del nome | José María Córdova |
Aeropuertu | |
Ciudá a la que sirve | Medellín |
Web oficial | |
L'Aeropuertu Internacional José María Córdova ta allugáu a 2.137 msnm y cuenta con una pista que la so capacidá ye de 205.000 operaciones al añu.[2] La pista ye utilizada tamién pola aledaña base militar de la Fuercia Aérea Colombiana llamada Comandu Aereu de Combate N°5 (CACOM 5), onde apuerten aeronaves militares y de la Policía Nacional de Colombia. L'aeropuertu cunta con radiu-ayudes de navegación aérea VOR, DME, y ILS, lo que dexa mayor facilidá d'operación pa los pilotos y mayor seguridá al operar en condiciones del mal tiempu. L'aeropuertu tien categoría OACI 4F.[ensin referencies]
El terminal de pasaxeros tien capacidá pa recibir hasta 17 aeronaves con puente d'embarque, 10 nacionales y 7 internacionales, siendo les posiciones 7, 8, 9 y 10 mistes pa vuelos nacionales ya internacionales gracies al separador de fluxos que coneuta l'avión con dos pasiellos, unu de salíes y otru de llegaes, evitando asina l'encruz de pasaxeros. Cuenta amás con una zona de restoranes y una zona comercial onde s'atopen bancos, caxeros automáticos, cases de cambéu y rentadoras d'autos. Coles mesmes l'aereollinia Avianca cuenta con una sala VIP dientro de les instalaciones que sirve a vuelos nacionales ya internacionales.[3] Nes contornes del edificiu principal atópase un parqueadero con capacidá pa 250 automóviles y una zona pa motocicletes.
L'aeropuertu cunta tamién con un terminal de carga, que puede allugar hasta diez aviones. Ye un importante focu pa la esportación de flores y otros productos del orient'antioqueño y de la rexón. Cerca d'esta terminal ta la zona aduanera y los hangares de l'aereollinia TAMPA, que tien la so base principal nel aeropuertu y realiza vuelos dende ellí escontra países de Sur, Centru y Norteamérica.[4]