দাদৰা আৰু নগৰ হাভেলী
পশ্চিম ভাৰতৰ জিলা From Wikipedia, the free encyclopedia
দাদৰা আৰু নগৰ হাভেলী (/ˈdɑːdrɑː...ˌnʌɡər həˈvɛli/) পশ্চিম ভাৰতত অৱস্থিত এখন কেন্দ্ৰীয় শাসিত অঞ্চল। ই দুটা পৃথক ভৌগোলিক অঞ্চলৰে গঠিত। সেই দুই অঞ্চল হৈছে মহাৰাষ্ট্ৰ আৰু গুজৰাটৰ মাজত অৱস্থিত নগৰ হাভেলী আৰু তাৰ পৰা ১৮ কিলোমিটাৰ উত্তৰ-পশ্চিম দিশত সম্পূৰ্ণৰূপে গুজৰাটে আৱৰা দাদৰা অঞ্চল। ছিলভাচা দাদৰা আৰু নগৰ হাভেলীৰ ৰাজধানী আৰু বৃহত্তম চহৰ। ১৭৮৩ চনৰ পৰা বিংশ শতিকাৰ মাজে ভাগলৈ এই অঞ্চল পৰ্তুগীজ সকলৰ অধীনত আছিল।
দাদৰা আৰু নগৰ হাভেলী | |
|---|---|
 ছিলভাচাৰ দমন গংগা নদী | |
 দাদৰা আৰু নগৰ হাভেলীৰ মোহৰ | |
 | |
| স্থানাংক: 20.27°N 73.02°E | |
| দেশ |  ভাৰত |
| স্থাপন | ১১ আগষ্ট ১৯৬১ |
| ৰাজধানী আৰু বৃহত্তম চহৰ | ছিলভাচা |
| চৰকাৰ | |
| • প্ৰশাসক | প্ৰফুল খোদা পেটেল |
| • সাংসদ | মোহনভাই সঞ্জীৱভাই ডেলকাৰ |
| • উচ্চ ন্যায়ালয় | বোম্বে উচ্চ ন্যায়ালয় |
| কালি | |
| • মুঠ | 491 km2 (190 sq mi) |
| • স্থান | ৩২তম |
| উচ্চতা | ১৬ মিটাৰ (৫২ ফুট) |
| জনসংখ্যা (2011) | |
| • মুঠ | 3,42,853 |
| • স্থান | 33rd |
| • ঘনত্ব | 700/km2 (1,800/sq mi) |
২০১৯ চনত ভাৰত চৰকাৰে দাদৰা আৰু নগৰ হাভেলীক দমন আৰু দিউৰ লগত একত্ৰীকৰণ কৰি এখন কেন্দ্ৰীয় শাসিত অঞ্চল গঠন কৰাৰ আঁচনি গ্ৰহণ কৰিছে।[1]
ইতিহাস
৪৫০ বছৰতকৈ অধিক কাল আৰৱ সাগৰৰ উপকূলীয় দমন আৰু দিউ অঞ্চল, গোৱা আৰু দাদৰা আৰু নগৰ হাভেলী পৰ্তুগীজ ভাৰতৰ অন্তৰ্ভুক্ত আছিল। ১৯৬১ চনৰ ১৯ ডিচেম্বৰ তাৰিখে অপাৰেচন বিজয়ৰ জৰিয়তে গোৱা, দমন আৰু দিউ আৰু দাদৰা আৰু নগৰ হাভেলী ভাৰত গণৰাজ্যত অন্তৰ্ভুক্ত হয়। ১৯৭৪ চনলৈ পৰ্টুগালে ভাৰতৰ এই অন্তৰ্ভুক্তিক স্বীকৃতি জনোৱা নাছিল।
পৰ্তুগীজ শাসনৰ সময়ৰ দমন, দাদৰা আৰু নগৰ হাভেলী
প্ৰশাসন
প্ৰশাসনিক সুবিধাৰ বাবে দাদৰা আৰু নগৰ হাভেলীক দুটা তালুকাত ভাগ কৰা হৈছে। সেই দুইটা তালুকা হ'ল: দাদৰা আৰু নগৰ হাভেলী। দাদৰা তালুকাৰ সদৰ হৈছে দাদৰা চহৰ। এই তালুকা দাদৰা চহৰ আৰু দুখন গাঁৱৰে গঠিত। সেউদৰে নগৰ হাভেলী তালুকাৰ সদৰ ছিলভাচা। এই তালুকা ছিলভাচা আৰু ৬৪টা গাঁৱৰে গঠিত।[2]ভাৰতীয় সংবিধান মতে ইয়াৰ শাসন কাৰ্য ভাৰতৰ ৰাষ্ট্ৰপতিৰ দ্বাৰা নিযুক্ত এজন প্ৰশাসকে পালন কৰে। তেওঁক শাসন কাৰ্যত সহায়ৰ বাবে অন্যায় বিষয়া সমূহ থাকে। বৰ্তমান ইয়াৰ প্ৰশাসক প্ৰফুল খোদা পেটেল।
জন-গাঁথনি
| জনসংখ্যা বৃদ্ধি | |||
|---|---|---|---|
| লোকপিয়ল | জনসংখ্যা | %± | |
| ১৯৫১ | 42,000 | ||
| ১৯৬১ | 58,000 | 38.1% | |
| ১৯৭১ | 74,000 | 27.6% | |
| ১৯৮১ | 1,04,000 | 40.5% | |
| ১৯৯১ | 1,38,000 | 32.7% | |
| ২০০১ | 2,20,000 | 59.4% | |
| ২০১১ | 3,42,853 | 55.8% | |
| Source:Census of India[3] | |||
২০১১ চনৰ লোকপিয়ল মতে দাদৰা আৰু নগৰ হাভেলীৰ মুঠ জনসংখ্যা ৩,৪২,৮৫৩ জন।[4][5] ই জনসংখ্যাৰ ফালৰ পৰা ভাৰতৰ ৬৪০খন জিলাৰ ভিতৰত ৫৬৬তম স্থান অধিকাৰ কৰিছে।[4] ইয়াৰ জন ঘনত্ব প্ৰতি বৰ্গ কিঃমিঃত ৬৯৮ জন। ২০০১ চনৰ পৰা ২০১১ চনলৈ দাদৰা আৰু নগৰ হাভেলীৰ জনসংখ্যা বৃদ্ধিৰ হাৰ ৫৫.৫% আছিল আৰু ই সমগ্ৰ ভাৰতৰ ভিতৰতে আটাইতকৈ বেছি।[4][6] ইয়াৰ লিংগ অনুপাত প্ৰতি ১০০০ পুৰুষৰ বিপৰীতে ৭৭৫ গৰাকী মহিলা আৰু সাক্ষৰতা হাৰ ৭৭.৬৫%।[4]
তথ্য উৎস
বাহ্যিক সংযোগ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
