ৱিকিউদ্ধৃতি (ইং Wikiquote (ৱিকিকোৱ'ট)) বা ৱিকিউক্তি হৈছে ৱিকিমিডিয়া ফাউণ্ডেশ্যন পৰিচালিত আৰু মিডিয়াৱিকি ছফ্টৱেৰ ব্যৱহাৰ কৰা এক ৱিকি-ভিত্তিক প্ৰকল্প। ডেনিয়েল এলষ্টনৰ পৰিকল্পনা আৰু ব্ৰায়'ন ৱিবাৰৰ কাৰ্যকাৰিতাত জন্মলাভ কৰা এই প্ৰকল্পৰ উদ্দেশ্য হৈছে সমিলমিলেৰে উল্লেখযোগ্য ব্যক্তি, গ্ৰন্থ, চলচ্চিত্ৰ বা ফকৰা যোজনাৰ উক্তিসমূহ সংগ্ৰহ কৰা আৰু সঠিক এট্ৰিবিউচনেৰে সেইবোৰ বৰ্ণনা কৰা। উক্তিৰ আন আন বহুতো অনলাইন সংগ্ৰহ থাকিলেও ৱিকিউদ্ধৃতিত পঢ়ুৱৈয়ে নিজে অৰিহণা যোগাবলৈ সুবিধা পায়।[1] ৱিকিউদ্ধৃতিৰ পৃষ্ঠাৰ পৰা উল্লেখযোগ্য ব্যক্তিসমূহৰ বিষয়ে ৱিকিপিডিয়ালৈ সংযোগ দিয়া হয়।[2]
 | |
 wikiquote.org মূল পৃষ্ঠাৰ স্ক্ৰীণশ্বট | |
Type of site |
উক্তি সংগ্ৰহ |
|---|---|
| Available in | বহুভাষিক |
| Owner | ৱিকিমিডিয়া ফাউণ্ডেশ্যন |
| Created by | জিম্মী ৱেলছ আৰু ৱিকিমিডিয়া সম্প্ৰদায় |
| URL | www.wikiquote.org |
| Commercial | নহয় |
| Registration | ঐচ্ছিক |
প্ৰথমে ৱিকিউদ্ধৃতি কেৱল ইংৰাজী ভাষাত মুকলি কৰা হৈছিল; ২০০৪ চনৰ জুলাই মাহৰ পৰা আন আন ভাষাসমূহ অন্তৰ্ভুক্ত কৰাৰ কাম আৰম্ভ হয়।
| তাৰিখ | পৰিঘটনা |
|---|---|
| অস্থায়ীভাৱে ৱ'ল'ফ ভাষাৰ ৱিকিপিডিয়াত (wo.wikipedia.com) থোৱা হয়। | |
| নিজা উপডমেইন সৃষ্টি কৰা হয় (quote.wikipedia.org)। | |
| নিজা ডমেইন সৃষ্টি (wikiquote.org)। | |
| নতুন ভাষা যোগ। | |
| ইংৰাজী ভাষাৰ প্ৰকল্পত ২০০০ পৃষ্ঠা সম্পূৰ্ণ। | |
| ২৪টা ভাষাত সক্ৰিয়। | |
| মুঠ ১০,০০০ পৃষ্ঠা। ইংৰাজী প্ৰকল্পত প্ৰায় ৩০০০ পৃষ্ঠা। | |
| এটা দ্ৰুপদী (লেটিন) আৰু এটা কৃত্ৰিম (এছপেৰেণ্ট')কে ধৰি ৩৪টা ভাষাত মুকলি। | |
| ইংৰাজী ৱিকিউদ্ধৃতিত ৫০০০ পৃষ্ঠা। | |
| আইনী কাৰণত ফ্ৰেঞ্চ ৱিকিউদ্ধৃতি বন্ধ। | |
| ফ্ৰেঞ্চ ৱিকিউদ্ধৃতি পুনৰায় আৰম্ভ। | |
| ইংৰাজী ৱিকিউদ্ধৃতিত ১০,০০০ পৃষ্ঠা। | |
| ৪০টা ভাষাত মুকলি। | |
| সকলো ভাষা মিলি ১,০০,০০০ প্ৰবন্ধ। | |
| ৮৮টা ভাষাত মুকলি। |
২০০৪ চনৰ জুলাইত প্ৰায় ৭০টা উপড'মেইন মুকলি কৰা হয়। ২০১২ চনৰ ১০ অক্টোবৰলৈকে পঁচিশটা সংস্কৰণৰ প্ৰবন্ধ সংখ্যা হৈছে ১০০০ৰো অধিক। প্ৰায় ২১,০০০ প্ৰবন্ধৰে ইংৰাজী ভাষাৰ ৱিকিউদ্ধৃতিয়েই বৃহত্তম প্ৰকল্প; ৫০০০ৰ পৰা ১৯,০০০ প্ৰবন্ধৰে প'লিছ, ইটালিয়ান, জাৰ্মান, পৰ্তুগীজ আৰু ৰাছিয়ান প্ৰকল্পসমূহৰ স্থান তাৰ পিছত। স্ল'ভাক, স্পেনীছ, বুলগেৰিয়ান, চেক, বছনিয়ান, তুৰ্কীছ, স্ল'ভেনিয়ান আৰু ফ্ৰেঞ্চ ভাষাৰ প্ৰকল্পই পৰৱৰ্তী স্থানসমূহ অধিকাৰ কৰিছে। পছপন্নটা ভাষাৰ প্ৰকল্পত ১০০ বা ততোধিক প্ৰবন্ধ আছে। [3]
অসমীয়া ভাষাত "ৱিকিউক্তি" নামেৰে ২০০৮ চনত এই প্ৰকল্প আৰম্ভ কৰা হৈছিল। কিন্তু দীৰ্ঘদিনৰ নিষ্ক্ৰিয়তাৰ বাবে ২০১০ চনত ইয়াক ইন্কিউবেটৰলৈ স্থানান্তৰ কৰা হয়। ইয়াৰ পিছত ৱিকিউদ্ধৃতি নামেৰে প্ৰকল্পটো সম্পাদনা কৰিবলৈ আৰম্ভ কৰা হয়। ২০২১ চনৰ মধ্যভাগৰ পৰা ৱিকিউদ্ধৃতিৰ কাম পূৰ্ণ ৰূপত চলি আহিছিল। পৰৱৰ্তী সময়ত প্ৰকল্পটোত যথেষ্টসংখ্যক সমল হোৱাত ৱিকিমিডিয়া ফাউণ্ডেছনৰ ভাষা সমিতিৰ ওচৰত অসমীয়া ভাষাৰ বাবে সুকীয়া ডমেইনৰ প্ৰস্তাৱ আনুষ্ঠানিকভাৱে দাখিল কৰা হয়। প্ৰকল্পটোৰ সমল আৰু সক্ৰিয়তাৰ ভিত্তিত সমিতিয়ে ২০২২ চনৰ শেষৰ ভাগত প্ৰস্তাৱটোক মান্যতা প্ৰদান কৰে আৰু সেইসূত্ৰে ৪ জানুৱাৰীত অসমীয়া ৱিকিউদ্ধৃতিয়ে নিজাকৈ ডমেইন লাভ কৰে।
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
