From Wikipedia, the free encyclopedia
বিশ্ব কাছ দিৱস (ইংৰাজী: World Turtle Day) হৈছে প্ৰতি বছৰে ২৩ মে'ত উদ্যাপন কৰা এক বাৰ্ষিক দিৱস। ২০০০ চনত আমেৰিকাৰ কাছ উদ্ধাৰকাৰী সংস্থা “American Tortoise Rescue”ৰ পৃষ্ঠপোষকতাত এই দিৱসৰ প্ৰচলন কৰা হৈছিল।[1] কাছ আৰু সিহঁতৰ নোহোৱা হৈ যোৱা বাসস্থানসমূহক সুৰক্ষা প্ৰদান কৰাৰ লগতে কাছসমূহ জীৱিত থকাত সহায়ক হোৱাকৈ কৰা মানুহৰ কাৰ্য্যকলাপক উৎসাহিত কৰাৰ উদ্দেশ্যে এই দিৱসটো প্ৰতি বছৰে পালন কৰা হয়।[2][3][4]
 |
| বিশ্ব কাছ দিৱস | |
|---|---|
| তাৰিখ | ২৩ মে' |
| পৰৱৰ্তী তাৰিখ | প্ৰতি বছৰে একে তাৰিখত |
| অৱধি | এদিন |
| সংঘটন | বাৰ্ষিক |
জৈৱ বৈচিত্ৰ্য সজাগতা দিৱসসমূহৰ প্ৰভাৱ সম্পৰ্কে কৰা এক অধ্যয়নত কোনো এটা সংৰক্ষিত প্ৰজাতিৰ ওপৰত ইণ্টাৰনেট অনুসন্ধানৰ হাৰ বৃদ্ধিত এই দিৱসসমূহে কেনেকৈ অৰিহনা যোগায় তাৰ তালিকাত বিশ্ব কাছ দিৱসক এক উদাহৰণ হিচাপে তালিকাভুক্ত কৰা হৈছে। কাছৰ দৰে সজ্জিত সাজ-পোছাক পিন্ধা, গ্ৰীষ্মকালীন সেউজীয়া সাজ-পোছাক পিন্ধা, ঘাইপথত ধৰা কাছ উদ্ধাৰ কৰা, গৱেষণামূলক কাম-কাজ, পুনঃসংস্থাপন কেন্দ্ৰৰ পৰা কাছ গ্ৰহণ কৰা আদি কাৰ্যসূচীৰ জৰিয়তে বিশ্ব কাছ দিৱসৰ প্ৰচাৰ কৰা হয়।[5]
শ্ৰেণীকোঠাত কাছ সম্পৰ্কীয় শিক্ষাক উৎসাহিত কৰিবলৈ “আমেৰিকান টৰ্টইজ ৰেচকিউ”ৰ দৰে সংস্থাই কাছ দিৱসৰ পাঠ পৰিকল্পনা আৰু ক্ৰাফ্ট প্ৰজেক্ট প্ৰদান কৰে।[6]
“World Turtle Day” শব্দটোৰ ট্ৰেডমাৰ্ক কেলিফৰ্ণিয়াৰ ছুছান টেলেম অৱ মালিবুয়ে (Susan Tellem of Malibu) পঞ্জীয়ন কৰি থৈছে।[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
