১৯৯৭ চনৰ এখন আমেৰিকান চলচ্চিত্ৰ From Wikipedia, the free encyclopedia
টাইটানিক ( ইংৰাজী: Titanic [4] ) হৈছে ১৯৯৭ চনৰ এখন আমেৰিকান মহাকাব্যিক ৰোমাণ্টিক দুৰ্যোগৰ ছবি, যিখন ছবিৰ লিখক, পৰিচালক, সহ-প্ৰযোজক আৰু সহ-সম্পাদক জেমছ কেমেৰন। ছবিখনত লিঅ’নাৰ্ডো ডিকেপ্ৰিঅ’ আৰু কেট উইন্সলেটে মুখ্য চৰিত্ৰত অভিনয় কৰিছে। টাইটানিক জাহাজত হোৱা যাত্ৰাৰ সময়ত জেকে উচ্চ শ্ৰেণীৰ ছোৱালী ৰোজৰ প্ৰেমত পৰে। ছবিখনত ১৯১২ চনত হোৱা টাইটানিক জাহাজ দুৰ্ঘটনাৰ পটভূমিত হোৱা তেওঁলোকৰ দুখৰ বৰ্ণনা কৰা হৈছে। যদিও ইয়াৰ প্ৰেম কাহিনী আৰু কেন্দ্ৰীয় চৰিত্ৰ কাল্পনিক, কিছুমান পাৰ্শ্ব চৰিত্ৰ ঐতিহাসিক তথ্যৰ ওপৰত আধাৰিত। গ্ল’ৰিয়া ষ্টুৱেৰ্টে বৃদ্ধা ৰোজৰ চৰিত্ৰত অভিনয় কৰিছে। বৃদ্ধা ৰোজে নিজৰ টাইটানিক জীৱন কাহিনী কয়।
টাইটানিক (Titanic) | |
---|---|
পৰিচালক | জেমছ কেমেৰন |
ৰচনা | জেমছ কেমেৰন |
প্ৰযোজক |
|
অভিনয়ত |
|
চিত্ৰগ্ৰহণকাৰী | ৰাছেল কাৰ্পেণ্টাৰ |
সম্পাদনা |
|
সংগীত পৰিচালক | জেমছ হ'ৰ্ণাৰ |
প্ৰযোজনা কোম্পানীসমূহ |
|
পৰিবেশক |
|
মুক্তি |
নৱেম্বৰ ১, ১৯৯৭ (টকিঅ') ডিচেম্বৰ ১৯, ১৯৯৭ (আমেৰিকা) |
দৈৰ্ঘ্য |
৩ ঘণ্টা ১৫ মিনিট[3] |
দেশ | আমেৰিকা |
ভাষা | ইংৰাজী |
বাজেট | $200 million |
১৯৯৫ চনৰ পৰা টাইটানিকৰ চিত্ৰগ্ৰহণ আৰম্ভ হয়। তেতিয়াই কেমেৰনে আটলাণ্টিকৰ মজিয়াত টাইটানিকৰ প্ৰকৃত ধ্বংসাৱশেষৰ ফটো তুলিবলৈ আৰম্ভ কৰে। বাস্তৱ জীৱনৰ মানৱ ট্ৰেজেডীৰ জৰিয়তে টাইটানিকৰ ট্ৰেজেডীক চিত্ৰিত কৰিবলৈ তেওঁ প্ৰেম কাহিনীৰ অৱতাৰণা কৰিছিল। ছবিখনৰ আধুনিক যুগৰ শ্বুটিং ৰাছিয়াৰ মিৰ অভিযানৰ সহযোগী জাহাজ একাডেমিক মষ্টিছলাভ কেলডিছত হৈছিল আৰু পুৰণি টাইটানিকখন প্ৰাচীন টাইটানিকৰ চিত্ৰগ্ৰহণৰ বাবে পুনৰ সৃষ্টি কৰা হৈছিল। বাহা কেলিফৰ্ণিয়াৰ প্লায়াছ ডি ৰ’ছাৰিটোত পুনৰ নিৰ্মাণ কৰা হয় টাইটানিক। ইয়াৰ উপৰিও কেমেৰনে স্কেল মডেলিং আৰু কম্পিউটাৰ এনিমেচনৰ সহায় লৈ টাইটানিক জাহাজ ডুব যোৱাৰ দৃশ্যবোৰ চিত্ৰিত কৰিছে। সেই সময়ত বিশ্বৰ আটাইতকৈ ডাঙৰ বাজেটৰ ছবি আছিল টাইটানিক। এই ছবিখন নিৰ্মাণৰ মুঠ খৰচ প্ৰায় ২০ কোটি মাৰ্কিন ডলাৰ। পেৰামাউণ্ট পিকচাৰ্ছ আৰু টুৱেণ্টিথ চেঞ্চুৰী ফক্সে যৌথভাৱে ছবিখনৰ বাবে বিত্তীয় সাহায্য আগবঢ়াইছিল।
যদিও ১৯৯৭ চনৰ ২ জুলাইত মুক্তি পোৱাৰ কথা আছিল, নিৰ্মাণ প্ৰক্ৰিয়াত পলম হোৱাৰ বাবে অৱশেষত ১৯ ডিচেম্বৰত টাইটানিক মুকলি কৰা হয়। যেতিয়া মুক্তিৰ তাৰিখ পিছুৱাই নিয়া হ’ল, বহুতে ভাবিছিল যে ছবিখন কেতিয়াও মুক্তি নাপাব আৰু ফক্স আৰু পেৰামাউণ্টে বৃহৎ লোকচানৰ সন্মুখীন হ’ব। যদিও আশা বেছি নাছিল, টাইটানিক মুক্তিৰ লগে লগে সমালোচক আৰু দৰ্শকৰ পৰা একেদৰেই বিপুল প্ৰশংসা লাভ কৰিছিল। টাইটানিকৰ দুটা ডাঙৰ কৃতিত্ব হ’ল- ১৪টা একাডেমীৰ ভিতৰত ১১টা বঁটা লাভ কৰা আৰু সৰ্বকালৰ সৰ্বাধিক উপাৰ্জন কৰা ছবি হিচাপে পৰিগণিত হোৱা। মুদ্ৰাস্ফীতি এৰাই চলি টাইটানিকতকৈ বেছি উপাৰ্জন আন কোনো চিনেমাই কেতিয়াও হোৱা নাই। টাইটানিকে মুঠ ২.১৮৭ বিলিয়ন মাৰ্কিন ডলাৰ উপাৰ্জন কৰে। কিন্তু মুদ্ৰাস্ফীতিৰ সৈতে সামঞ্জস্য ৰাখি টাইটানিক উত্তৰ আমেৰিকাৰ সৰ্বাধিক উপাৰ্জনকাৰী ছবিৰ ভিতৰত ষষ্ঠ স্থান দখল কৰে। আৰু কোনো চিনেমাই ১১টাতকৈ অধিক অস্কাৰ লাভ কৰা নাই। টাইটানিকৰ বাহিৰে কেৱল বেন-হাৰ আৰু দ্য লৰ্ড অৱ দ্য ৰিংছ: দ্য ৰিটাৰ্ণ অৱ দ্য কিঙ-এ ১১টা বিভাগত অস্কাৰ লাভ কৰিছে।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.