মাৰাঠী ভাষাৰ লেখক, কবি আৰু সাহিত্য সমালোচক From Wikipedia, the free encyclopedia
চৰণকুমাৰ লিম্বালে (ইংৰাজী: Sharankumar Limbale; জন্ম: ১ জুন, ১৯৫৬) এগৰাকী মাৰাঠী ভাষাৰ লেখক, কবি আৰু সাহিত্য সমালোচক। তেওঁ ৪০ খনতকৈও অধিক কিতাপ লিখিছে। ১৯৮৪ চনত প্ৰকাশিত তেওঁৰ আত্মজীৱনী অক্কৰ্মাশী হৈছে তেওঁৰ আটাইতকৈ জনাজাত আৰু বহুপঠিত গ্ৰন্থ। অক্কৰ্মাশীক আন কেইবাটাও ভাৰতীয় ভাষাৰ লগতে ইংৰাজীলৈ অনুবাদ কৰা হৈছে। ইংৰাজী অনুবাদটো অক্সফৰ্ড ইউনিভাৰ্চিটি প্ৰেছে দ্য আউটকাষ্ট নাম দি প্ৰকাশ কৰিছে।[1]
চৰণকুমাৰ লিম্বালে | |
---|---|
জন্ম | ১ জুন, ১৯৫৬ (৬৮ বছৰ) |
পেচা | লেখক, কবি, সাহিত্য সমালোচক |
ভাষা | মাৰাঠী |
ৰাষ্ট্ৰীয়তা | ভাৰতীয় |
ধৰণ | দলিত সাহিত্য |
উল্লেখনীয় কৰ্মৰাজি | অক্কৰ্মাশী (১৯৮৪) Towards an Aesthetics of Dalit Literature (২০০৪)
|
উল্লেখযোগ্য বঁটা | সৰস্বতী সন্মান |
দাম্পত্যসংগী | কুসুম |
দলিত সাহিত্যৰ নান্দনিকতাক লৈ তেওঁ কৰা সাহিত্যিক সমালোচনাসমূহক (২০০৪) দলিত সাহিত্যৰ আটাইতকৈ গুৰুত্বপূৰ্ণ কামসমূহৰ ভিতৰত ঠাই দিয়া হয়।[উদ্ধৃতিৰ প্ৰয়োজন] ইয়াত অনুমানতকৈ দলিত অনুভৱক (অভিজ্ঞতা) কেনেদৰে প্ৰাধান্য দিয়া উচিত সেই বিষয়ে আলোচিত হৈছে।
১৯৫৬ চনৰ ১ জুনত, মহাৰাষ্ট্ৰৰ চোলাপুৰ জিলাৰ হেন্নুৰ গাঁৱত চৰণকুমাৰ লিম্বালেৰ জন্ম হৈছিল। তেওঁ কোলহাপুৰৰ শিৱাজী বিশ্ববিদ্যালয়ৰপৰা মাৰাঠী ভাষাত স্নাতকোত্তৰ ডিগ্ৰী সম্পূৰ্ণ কৰিছিল। ইয়াৰ পিছত, তেওঁ ‘মাৰাঠী দলিত সাহিত্য আৰু আমেৰিকান কৃষ্ণ সাহিত্য (American black literature) – এটা তুলনামূলক অধ্যয়ন’ বিষয়ত পি এইচ ডি কৰিছিল।
ড° চৰণকুমাৰ লিম্বালে নাচিকৰ যশৱন্তৰাও চাৱন, মহাৰাষ্ট্ৰ মুক্ত বিশ্ববিদ্যালয়ৰ প্ৰকাশন বিভাগত সহকাৰী সম্পাদক হিচাপে কামত সোমাইছিল, পিছত এই বিশ্ববিদ্যালয়ৰে অধ্যাপক আৰু সঞ্চালক হিচাপে তেওঁ অৱসৰ গ্ৰহণ কৰে।[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.