কুমাৰ স্বামী কামৰাজ নাদাৰ

কুমাৰা স্বামী কামৰাজ নাদাৰ (ইংৰাজী: Kumara Swami Kamraj Nadar) (১৯০৩-১৯৭৫) ১৯৭৬ চনত ভাৰত-ৰত্ন সন্মানেৰে সন্মানিত হোৱা বিশিষ্ট ব্যক্তিগৰাকী হৈছে কুমাৰা স্বামী কামৰাজ নাদাৰ। ভাৰত ৰাজনৈতিক আৰু সামাজিক দিশলৈ তেওঁৰ বিশিষ্ট বৰঙণিৰ বাবে ভাৰত চৰকাৰে এই সন্মান আগবঢ়াইছিল। সাধাৰণ পৰিয়ালৰ পৰা অহা স্কুলীয়া শিক্ষা-দীক্ষাত আগবাঢ়িব নোৱাৰা ব্যক্তি এজনে সমাজ সংগঠনৰ দিশত যি কৃতিত্ব আৰু সাফল্য প্ৰদৰ্শন কৰিছিল-সেয়া আদৰ্শ হৈ ৰল। ১৯৫৪ চনত তেওঁ মাদ্ৰাজৰ মুখ্যমন্ত্ৰী হিচাপে নিৰ্বাচিত হৈছিল। তেওঁৰ ইংৰাজী ভাষাৰ প্ৰতি অকণো মোহ নাছিল।^[1]

কুমাৰা স্বামী কামৰাজ নাদাৰ கு. காமராஜ்
Member of Parliament (Lok Sabha) for Nagercoil
কাৰ্যকাল 1967–1975
পূৰ্বসূৰী	A. Nesamony
উত্তৰসূৰী	Kumari Ananthan
সমষ্টি	Nagercoil
Member of Tamil Nadu Legislative Assembly for Sattur
কাৰ্যকাল 1957–1967
পূৰ্বসূৰী	S. Ramaswamy Naidu
উত্তৰসূৰী	S. Ramaswamy Naidu
সমষ্টি	Sattur
Member of Tamil Nadu Legislative Assembly for Gudiyatham
কাৰ্যকাল 1954–1957
পূৰ্বসূৰী	Rathnaswamy and A. J. Arunachala Mudaliar
উত্তৰসূৰী	V. K. Kothandaraman and T. Manavalan
সমষ্টি	Gudiyatham
Chief Minister of the Madras State (Tamil Nadu)
কাৰ্যকাল 1954–1963
পূৰ্বসূৰী	C. Rajagopalachari
উত্তৰসূৰী	M. Bhakthavatsalam
Member of Parliament (Lok Sabha) for Srivilliputhur
কাৰ্যকাল 1952–1954
পূৰ্বসূৰী	None
উত্তৰসূৰী	S. S. Natarajan
সমষ্টি	Srivilliputhur
President of the Indian National Congress (Organisation)
কাৰ্যকাল 1967–1971
পূৰ্বসূৰী	None
উত্তৰসূৰী	Morarji Desai
President of the Indian National Congress
কাৰ্যকাল 1963–1967
পূৰ্বসূৰী	Neelam Sanjiva Reddy
উত্তৰসূৰী	S. Nijalingappa
President of the Madras Provincial Congress Committee
কাৰ্যকাল 1946–1952
উত্তৰসূৰী	P. Subbarayan
ব্যক্তিগত তথ্য
জন্ম	১৫ জুলাই, ১৯০৩ Virudhunagar, Tamil Nadu, India
মৃত্যু	০২ অক্টোবৰ, ১৯৭৫ (৭২ বছৰ) Chennai, Tamil Nadu, India
ৰাষ্ট্ৰীয়তা	Indian
ৰাজনৈতিক দল	Indian National Congress
স্বাক্ষৰ

জন্ম আৰু পৰিয়াল

কামৰাজ নাদাৰৰ জন্ম হয় ১৯০৩ চনৰ ১৫ জুলাই তাৰিখে ৰামনাদৰ বিৰুধুনাগাৰত। তেওঁৰ পিতাক এজন সাধাৰণ নাৰিকল ব্যৱসায়ী আছিল। কামৰাজৰ ছয় বছৰ বয়সতে তেওঁৰ পিতাকৰ মৃত্যু হৈছিল। তেওঁলোকৰ নিঠৰুৱা পৰিয়ালটোৱে মোমায়েকৰ আশ্ৰয়ত লালিত-পালিত হৈছিল। কামৰাজে সংসাৰ ধৰ্মত প্ৰৱেশ কৰা নাছিল।^[1]

সংগ্ৰামী জীৱন

কুমাৰা স্বামী কামৰাজ নাদাৰে মাত্ৰ ওঠৰ বছৰ বয়সৰ পৰা ভাৰতৰ স্বাধীনতা সংগ্ৰামত যোগদান কৰিবলৈ ওলাই আহে। তেওঁৰ নিজৰ জিলাতে স্বাধীনতা সংগ্ৰমাৰ সেৱাত ব্ৰতী হয়। এই আন্দোলনৰ প্ৰতিটো কাৰ্যসূচীত তেওঁ সক্ৰিয় অংশ লোৱাত ব্ৰিটিছ কোপ নলত পৰে আৰু ইয়াৰ বাবে তেওঁ কেইবামাহো কাৰাবৰণ খাটিবলগীয়া হয়। ১৯৪০ চনত তেওঁ তামিলনাডু কংগ্ৰেছ কমিটীৰ সভাপতি নিৰ্বাচিত হয়। এনেদৰে ১৯৪৭ চনৰ পৰা ১৯৬৯ চনলৈকে তেওঁ নিখিল ভাৰত কংগ্ৰেছ কমিটীৰ বিভিন্ন বিষয় পদত অধিষ্ঠিত হয়। মাদ্ৰাজ বিধান সভাৰ তেওঁ কেইবাবাৰো সদস্য নিৰ্বাচিত হৈছিল। ১৯৫৪ চনত তেওঁ মাদ্ৰাজৰ মুখ্যমন্ত্ৰী নিৰ্বাচিত হয়। ১৯৬৩ চনৰ ৯ অক্টোৱৰত তেওঁ নিখিল ভাৰত জাতীয় কংগ্ৰেছ কমিটীৰ সভাপতি নিৰ্বাচিত হয়। ১৯৬৩ চনত কামৰাজে জ্যেষ্ঠ কংগ্ৰেছী নেতাসকলক মন্ত্ৰী পদৰ পৰা এৰুৱাই সংগঠনৰ কামত ব্ৰতী হবলৈ জৱাহৰলাল নেহেৰুক দিহা দিছিল। ইয়াকে কমাৰাজ আঁচিনি বুলি কোৱা হৈছিল।^[1]

পুৰস্কাৰ প্ৰাপ্ত বঁটা

1. ভাৰত ৰত্ন বঁটা (১৯৭৬),

মৃত্যু

কুমাৰা স্বামী কামৰাজ নাদাৰৰ ১৯৭৫ চনত পৰলোক প্ৰাপ্তি ঘটে।