From Wikipedia, the free encyclopedia
এছ.পি.এছ.এছ.(ইংৰাজী: SPSS) পৰিসংখ্যা হৈছে ডাটা ব্যৱস্থাপনা আৰু উন্নত বিশ্লেষণৰ বাবে আই.বি.এম.ৰ দ্বাৰা বিকশিত এক পৰিসাংখ্যিক ছফ্টৱেৰ চুইট। এছ.পি.এছ.এছ. ইনক. ২০০৯ চনত আই.বি.এম.এ অধিগ্ৰহণ কৰিছিল। ২০১৫ চনৰ পৰা মুকলি কৰা ছফ্টৱেৰৰ সংস্কৰণবোৰত আইবিএম এছপিএছএছ পৰিসংখ্যা ব্ৰেণ্ড নাম দিয়া হয়।[3] এই ছফ্টৱেৰৰ নামটো মূলতে “ষ্টেটিষ্টিকেল পেকেজ ফৰ দা চ’চিয়েল চাইন্স’’(SPSS)[4] আছিল যদিও পিছলৈ "ষ্টেটিষ্টিকেল প্ৰডাক্ট এণ্ড চাৰভিছ চলিউচন"লৈ সলনি হয়।[5][6] নৰমান এইচ. নি, ডেল এইচ. বেণ্ট, আৰু চি. হাডলাই হাল[7]ৰ দ্বাৰা বিকশিত হোৱা ১৯৬৮ চনত “ষ্টেটিষ্টিকেল পেকেজ ফৰ দা চ’চিয়েল চাইন্স’’ হিচাপে এছ.পি.এছ.এছ.ৰ প্ৰথম সংস্কৰণ মুকলি কৰা হৈছিল। এছ.পি.এছ.এছ. পৰিসংখ্যাৰ প্ৰাৰম্ভিক সংস্কৰণবোৰ ফৰট্ৰান কম্পিউটাৰ ভাষাত লিখা হৈছিল আৰু মেইনফ্ৰেমত বেচ প্ৰচেছিঙৰ বাবে সজা হৈছিল।
বিকাশক | নৰমান এইচ নি, ডেল এইচ বেণ্ট, চি. হাডলাই হাল |
---|---|
প্ৰথম মুক্তি | ১৯৬৮ |
স্থিৰ মুক্তি | ২৯ / ১৩ ছেপ্টেম্বৰ ২০২২[1] |
অপাৰেটিং চিষ্টেম | উইণ্ডোচ (এক্স86-64), মেক অ'এছ (এক্স86-64), লিনাক্স (এক্স86-64, পিপিচি64লে, আই বি এম জেড)[2] |
প্লেটফৰ্ম | জাভা |
আকাৰ | ১.২ গিগাবাইট |
প্ৰকাৰ | পৰিসাংখ্যিক বিশ্লেষণ সাংখ্যিক বিশ্লেষণ |
অনুজ্ঞাপত্ৰ | শ্বেয়াৰৱেৰ বা চাচ |
ৱেবছাইট | www |
এছ.পি.এছ.এছ. হৈছে সামাজিক বিজ্ঞানত পৰিসাংখ্যিক বিশ্লেষণৰ বাবে এক বহুলভাৱে ব্যৱহৃত ছফ্টৱেৰ প্ৰগ্ৰাম।[8] ইয়াক বজাৰ গৱেষক, স্বাস্থ্য গৱেষক, জৰীপ কোম্পানী, চৰকাৰ, শিক্ষা গৱেষক, বিপণন সংগঠন, ডাটা মাইনাৰ,[9] আৰু অন্যান্যসকলেও ব্যৱহাৰ কৰে। গৱেষকসকলক তেওঁলোকৰ নিজা পৰিসাংখ্যিক বিশ্লেষণ কৰিবলৈ সহায়িকা হিচাপে মূল এছ.পি.এছ.এছ. মেনুৱেলক (নি, বেণ্ট আৰু হাল, ১৯৭০)[10] "সমাজ বিজ্ঞানৰ আটাইতকৈ প্ৰভাৱশালী" কিতাপ বা মেনুৱেল বুলি বিবেচনা কৰা হয়।[11] পৰিসাংখ্যিক বিশ্লেষণৰ উপৰিও, ডাটা ব্যৱস্থাপনা (কেছ বাছনি, ফাইল পুনৰ আকাৰ দিয়া আৰু প্ৰাপ্ত তথ্য সৃষ্টি কৰা) আৰু ডাটা ডকুমেণ্টেচন (মেটাডাটা অভিধান ডাটা ফাইলত সংৰক্ষণ কৰা) হৈছে এই ছফ্টৱেৰৰ বিশেষত্ব। এছ.পি.এছ.এছ. পৰিসংখ্যাৰ বৈশিষ্টসমূহ পুল-ডাউন মেনুৰ জৰিয়তে উপলব্ধ বা এক স্বত্বাধিকাৰী ৪জিএল কমাণ্ড চিনটেক্স (আদেশ বাক্যবিন্যাস) ভাষাৰে প্ৰগ্ৰাম কৰিব পাৰি। কমাণ্ড চিনটেক্স প্ৰ’গ্ৰামিঙৰ সুবিধা হৈছে পুনৰুত্পাদনযোগ্য আউটপুট, পুনৰাবৃত্তিমূলক কামবোৰ সৰল কৰা, আৰু জটিল ডাটা মেনিপুলেচন আৰু বিশ্লেষণ নিয়ন্ত্ৰণ কৰা। ইয়াৰ উপৰিও, কিছুমান জটিল এপ্লিকেচন কেৱল কমাণ্ড চিনটেক্সতহে প্ৰগ্ৰাম কৰিব পাৰি, মেনু গাঁথনিৰ জৰিয়তে সকলোখিনি উপলব্ধ নহয়। পুল-ডাউন মেনু ইণ্টাৰফেচে কমাণ্ড চিনটেক্সো সৃষ্টি কৰে: ইয়াক আউটপুটত প্ৰদৰ্শন কৰিব পাৰি, অৱশ্যে ব্যৱহাৰকাৰীৰ বাবে চিনটেক্স দৃশ্যমান কৰিবলৈ ডিফল্ট ছেটিংছ সলনি কৰিব লাগিব। প্ৰতিটো মেনুত থকা "পেষ্ট" বুটাম ব্যৱহাৰ কৰি সেইবোৰ কন্টেক্স ফাইল এটাত পেষ্ট কৰিব পাৰি।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.