ইউনাইটেড পিপলছ পাৰ্টি লিবাৰেল (ইংৰাজী: United People's Party Liberal) চমুকৈ ইউপিপিএল ভাৰতৰ অসম ৰাজ্যৰ এটা স্বীকৃতিপ্ৰাপ্ত আঞ্চলিক ৰাজনৈতিক দল। দলটো বিশেষকৈ অসমৰ বড়োলেণ্ড অঞ্চলত সক্ৰিয়।[1][2] ২০১৫ চনৰ ৫ আগষ্ট তাৰিখে দলটি গঠন কৰা হৈছিল। উৰ্খাউ গৌড়া ব্ৰহ্ম ইয়াৰ প্ৰতিষ্ঠাপক সভাপতি আছিল। দলটিৰ মুখ্য কাৰ্যালয় কোকৰাঝাৰ জিলাৰ মৱিদাৰ খ'ৰ'ত (হাতীমাতা) অৱস্থিত।[3][4] ২০১৫ চনৰ বড়োলেণ্ড ক্ষেত্ৰীয় পৰিষদৰ পৰিষদীয় নিৰ্বাচনত ইউপিপিলয়ে প্ৰথমবাৰৰ বাবে নিৰ্বাচনত অংশগ্ৰহণ কৰিছিল যদিও এটা সমষ্টিতো জয়ী হব পৰা নাছিল। ২০২০ চনৰ পৰিষদীয় নিৰ্বাচনত ইউপিপিএলয়ে ১২খন আসনত জয়ী হয়। ১০খন আসনত জয়ী ভাৰতীয় জনতা পাৰ্টি আৰু ১খন আসনত জয়ী গণ সুৰক্ষা পাৰ্টিৰ সহযোগত ইউপিপিএলে পৰিষদ দখল কৰে আৰু[5][6] ইউপিপিএলৰ বৰ্তমান সভাপতি প্ৰমোদ বড়োয়ে বড়োলেণ্ড ক্ষেত্ৰীয় পৰিষদৰ মুখ্য কাৰ্যবাহী সদস্য পদত অধিষ্ঠিত হয়।
| ইউনাইটেড পিপলছ পাৰ্টি লিবাৰেল | |
|---|---|
| নেতা | উৰ্খাউ গৌড়া ব্ৰহ্ম |
| সভাপতি | প্ৰমোদ বড়ো |
| সংসদীয় সভাপতি | |
| লোকসভাত নেতা | |
| ৰাজ্যসভাত নেতা | |
| প্ৰতিষ্ঠা | ৫ আগষ্ট ২০১৫ |
| মূখ্য কাৰ্যালয় | মৱিদাৰ খ'ৰ' (হাতীমাতা), কোকৰাঝাৰ জিলা, বড়োলেণ্ড, অসম |
| দলীয় ৰং | হালধীয়া (আধিকাৰীক) সেউজীয়া |
| ৱেবছাইট | upplofficial |
ইউপিপিএল ২০১৫ চনৰ ৫ অক্টোবৰ তাৰিখে গঠন কৰা হৈছিল। পূৰ্বতে পিপলছ কৰ্ডিনেশ্বন ফৰ ডেমক্ৰেটিক ৰাইট (পিচিডিআৰ) আছিল।[7] জাতি, ধৰ্ম বৰ্ণ নিৰ্বিশেষে জনকল্যাণৰ বাবে কাম কৰাৰ উদ্দেশ্যৰে দলটো গঠন কৰা হৈছিল।[8] বড়ো সাহিত্যিক আৰু সাংসদ উৰ্খাউ গৌড়া ব্ৰহ্ম ইয়াৰ প্ৰতিষ্ঠাপক সভাপতি আছিল।
ইউপিপিএলৰ পতাকা তিনিবৰণীয়া। ইয়াৰ ওপৰত হালধীয়া, মাজত বগা আৰু তলত সেউজীয়া। পাৰ্টিৰ চিহ্নটো ট্ৰেক্টৰ আৰু ই বগা অংশৰ মাজত অৱস্থিত।
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
