From Wikipedia, the free encyclopedia
ৰাইজৰ চ'ৰা প্ৰস্তাৱ |
ৰাইজৰ চ'ৰা: নীতি • ৱিকিমিস্ত্ৰীৰ দোকান • প্ৰস্তাৱসমূহ (সততে উত্থাপিত প্ৰস্তাৱসমূহ) • উদ্ভাৱনশালা • বিবিধ |
সূচী • প্ৰথম আলোচনা • পৃষ্ঠাৰ শেষলৈ যাওক • নতুন মন্তব্য আৰম্ভ কৰক |
ৰাইজৰ চ'ৰাৰ এই পৃষ্ঠাত নতুন ভাৱ আৰু প্ৰস্তাৱসমূহ আপুনিও যোগ কৰিব পাৰে। ইয়াৰ বাহিৰে অন্য ৱিকিপিডিয়াৰ নীতি বিষয়ক পৃষ্ঠাসমূহ নৱ-প্ৰস্তাবিত আৰু প্ৰচলিত নীতি-নিৰ্দেশনাসমূহৰ বিষয়ে আলোচনা কৰিবলৈ কৰিবলৈ অনুগ্ৰহ কৰি নীতি বিভাগৰ পৃষ্ঠা ব্যৱহাৰ কৰক। কোনো নীতি-নিৰ্দেশনাৰ প্ৰয়োগ বা ব্যৱহাৰ সম্পৰ্কীয় সন্দেহ মৰিষণৰ কাৰণে বিভিন্ন জাননী ফলকসমূহ ব্যৱহাৰ কৰিব পাৰে। যদি আপোনাৰ কাৰিকৰী জ্ঞান আছে তেন্তে উপযুক্তভাৱে অৱদান/আলোচনা/সহায় আগবঢ়াওক। সততে উদয় হোৱা প্ৰশ্নসমূহৰ এখন সূচী এই FAQ পৃষ্ঠাত (FAQ: Frequently Asked Questions) আছে, অনুগ্ৰহ কৰি প্ৰথমে তাত চাই লয় যেন। |
|
অনুগ্ৰহ কৰি নতুন বিষয়/আলোচনা যোগ কৰিবলৈ এই পৃষ্ঠাৰ শেষলৈ যাওক। | |
অসমীয়া ৱিকিৰ বিভিন্ন প্ৰকল্পত ন-শিকাৰুয়ে কেনেকৈ কাম আৰম্ভ কৰিব পাৰে সেয়া হাতে-কামে দেখুৱাই এলানি ভিডিঅ' কৰাৰ প্ৰস্তাৱ আগবঢ়াইছোঁ। অসমীয়া ৱিকিৰ ইউটিউব চেনেলত এই ভিডিঅ'সমূহ আপল'ড কৰি থ'লে নতুন শিকাৰুয়ে কাম কৰিবলৈ সুবিধা পাব। এই সম্পৰ্কে মোৰ এগৰাকী অসমীয়া বন্ধু মণীষ শৰ্মাৰ লগত কথা পাতিছোঁ। কৰ্মসূত্ৰে তেওঁ কানাডাৰ এলবাৰ্টা চৰকাৰৰ বাবে এনে শৈক্ষিক ভিডিঅ' প্ৰস্তুত কৰাত সহায় কৰে (Learning and Development Consultant)। অসমীয়া ৱিকিসমাজ আগ্ৰহী হ'লে আমাকো তেওঁ সহায়ক ভিডিঅ'ৰ প্ৰস্তুতিত সহায় কৰাৰ প্ৰতিশ্ৰুতি দিছে। এইবিষয়ত আপোনালোক সকলোৰে মতামত বিচাৰিছোঁ। মোৰ মতে প্ৰতিটো ভিডিঅ' দুইৰ পৰা পাঁচমিনিটৰ ভিতৰত হ'লে ভাল। সম্ভাব্য বিষয় আৰু সমল ব্যক্তিৰ তালিকা এখন দিছোঁ। আগ্ৰহ আৰু প্ৰয়োজন অনুসৰি সালসলনি কৰিব পাৰে-
-Joli Rumi (বাৰ্তা) 13:25, 20 March 2024 (ইউ.টি.চি.)
শিক্ষানুষ্ঠানত ৱিকিৰ প্ৰচাৰ আৰু প্ৰসাৰ কৰাৰ লগতে অধিক সেচ্ছাসেৱকক আগ্ৰহী কৰি তুলিবৰ বাবে ৯। ৪। ২০২৪ তাৰিখে লখিমপুৰ বালিকা মহাবিদ্যালয়ত এখনি কৰ্মশালা অনুষ্ঠিত কৰাৰ প্ৰয়াস কৰা হৈছে। কৰ্মশালাৰ বাবে সমল ব্যক্তি হিচাপে @— নয়ন জ্যোতি নাথ ৰ নাম প্ৰস্তাৱ কৰিলোঁ। লগতে অনুষ্ঠানটোৰ সমন্বয়ক হিচাপে নিজৰ লগতে @— জ্যোতি চিৰিঙ ৰ নাম প্ৰস্তাৱ কৰিলোঁ। সকলোকে মতামত জনাবৰ বাবে অনুৰোধ জনালোঁ। নীতেশ গীলৰ পৰামৰ্শ অনুসৰি এই কৰ্মশালাখনি She Leads ৰ অধীনত অনুষ্ঠিত কৰা হ'ব। # Rumi Borah~aswiki (বাৰ্তা) 11:51, 4 April 2024 (ইউ.টি.চি.)
অহা ৩০ এপ্ৰিল, ২০২৪ত নগাঁও মহাবিদ্যালয়ত She Leads Capmpaignৰ অধীনত এখনি এদিনীয়া ৱিকি-সজাগতা সভা আৰু প্ৰশিক্ষণ কৰ্মশালাৰ আয়োজন কৰা হৈছে। সেইদিনা অসমীয়া ৱিকিমেডিয়াৰ মহিলা সম্পাদকসকলক সম্ভৱ হ’লে উপস্থিত থাকিবলৈ আহ্বান জনালোঁ। কৰ্মশালাখনিত ৱিকিপিডিয়া, ৱিকিউংস, ৱিকিউদ্ধৃতি আৰু ৱিকিকমন্সৰ বিষয়ে প্ৰাৰম্ভিক প্ৰশিক্ষণ দিবলৈ মনস্থ কৰা হৈছে। সকলো সক্ৰিয় সম্পাদকৰ পৰা দিহা-পৰামৰ্শ বিচৰা হ’ল। (অনুষ্ঠানটিৰ কাৰ্যসূচী নিৰ্দিষ্ট হোৱাৰ পিছত এই জাননীতে সন্নিৱিষ্ট কৰা হ’ব)- Pranamikaadhikary (বাৰ্তা) 12:30, 4 April 2024 (ইউ.টি.চি.)
অসমীয়া ৱিকি সমাজৰ এগৰাকী অক্লান্ত সদস্য চন্দন চিৰিং আৰু নাই! কিন্তু চন্দনৰ সৰলতা, নিষ্ঠা আৰু কৰ্মোদ্যমে আমাক সদায়ে প্ৰেৰণা যোগাই যাব আৰু তেওঁক অসমীয়া ৱিকি সমাজৰ মাজত সদায়ে জীয়াই থাকিব। চন্দনৰ স্মৃতি যুগমীয়া কৰি ৰখাৰ বাবে ২৮ এপ্ৰিল, দেওবাৰৰ শোকসভাত গ্ৰহণ কৰা প্ৰস্তাৱসমূহ হ'ল-
মে' ২০২৪ মাহৰ ৱিকিপত্ৰিকাত চন্দন চিৰিঙৰ বাবে এটা শ্ৰদ্ধাঞ্জলিসূচক শিতান ৰখাৰ প্ৰস্তাৱ। তাতে সকলোৱে চন্দনৰ সান্নিধ্য বা কোনো অভিজ্ঞতা, শ্ৰদ্ধাঞ্জলিৰে বাৰ্তা দিব পাৰিব। এই ৱিকিপত্ৰিকা ৫ মে' তাৰিখে মাহিলী ৱিকিসভাত মুকলি কৰা হ'ব।
চন্দনৰ সকলো লেখা, ৱিকিত অৱদানৰ পৰিসংখ্যা, পদক আৰু ৱিকিপত্ৰিকাৰ শ্ৰদ্ধাঞ্জলিসূচক বাৰ্তাসমূহ যোগ দি এখন অনলাইন স্মৃতিগ্ৰন্থ প্ৰকাশ কৰাৰ প্ৰস্তাৱ। এই স্মৃতিগ্ৰন্থ প্ৰয়োজন অনুসৰি প্ৰিণ্ট কৰিব পৰা যাব। এই স্মৃতিগ্ৰন্থৰ অনলাইন আৰু অফলাইন কপি অসমীয়া ৱিকিপিডিয়াৰ জন্মদিন ২ জুনৰ দিনা আনুষ্ঠানিকভাৱে মুকলি কৰিব পাৰি।
চন্দনৰ লগত জড়িত সকলো ফটো, অডিঅ' আৰু ভিডিঅ' ফাইল লগ লগাই এটা ভিডিঅ' প্ৰস্তুত কৰাৰ সিদ্ধান্ত। এই সকলো ফাইল এই লিংকত গৈ গুগল ড্ৰাইভত যোগ দিবলৈ অনুৰোধ কৰিছোঁ। এই সংকলিত ভিডিঅ' ৰূপটো অসমীয়া ৱিকিৰ ইউটিউব চেনেল আৰু অন্যান্য সামাজিক মাধ্যমত অসমীয়া ৱিকিপিডিয়াৰ জন্মদিন ২ জুনৰ দিনা আনুষ্ঠানিকভাৱে মুকলি কৰিব পাৰি।
ৱিকিউদ্ধৃতিত প্ৰতিমাহে সৰ্বোচ্চ সম্পাদনা কৰা সদস্যগৰাকীক 'চন্দন চিৰিং পদক' দিয়াৰ প্ৰস্তাৱ। এই পদকৰ সাঁচটো সাজিবলৈ নয়ন জ্যোতি নাথক অনুৰোধ কৰিছোঁ।
চন্দন চিৰিং ফুকন সোঁৱৰণি ন্যাস সম্পৰ্কীয় হোৱাটছ আপ গোটত হোৱা আলোচনাৰ সাৰাংশ:
ন্যাসৰ এখন সংবিধানৰ খচৰা প্ৰস্তুত কৰাৰ দায়িত্ব
ন্যাসৰ বেংক একাউণ্ট তেজপুৰ নাইবা নগাঁৱত খুলিব লাগিব
ন্যাসৰ সাধাৰণ সদস্য হিচাপে চন্দন চিৰিং ফুকনৰ পৰিয়ালৰ এজন বা দুজন ব্যক্তিক ৰখা হ’ব।
ন্যাসৰ এখন কাৰ্যনিৰ্বাহক সমিতি তলত উল্লেখ কৰাৰ দৰে গঠন কৰা হওক:
বৰ্ষশ্ৰেষ্ঠ ৱিকিমিডিয়ান এজনক ‘চন্দন চিৰিং ফুকন বৰ্ষশ্ৰেষ্ঠ ৱিকিমিডিয়ান বঁটা দিয়াৰ প্ৰস্তাৱ। এই বঁটাৰ সৈতে মানপত্ৰ, কিতাপৰ টোপোলা আদি অন্যান্য সামগ্ৰী থাকিব। তাৰ বাবে প্ৰয়োজনীয় খা-খৰচৰ বাবে আগ্ৰহী যিকোনো ৱিকিমিডিয়ানে সহায় কৰিব পাৰিব। এই পদক প্ৰতিবছৰে ৱিকিউদ্ধৃতিৰ জন্মদিন ৪ জানুৱাৰী তাৰিখে দিয়াৰ কথা ভবা হৈছে।
ৱিকিউদ্ধৃতিত সক্ৰিয়তা বঢ়োৱাৰ উদেশ্যে ১ মে'ৰ পৰা ৩১ মে' লৈ দ্বিতীয় এখন চন্দন চিৰিং ফুকন সোঁৱৰণী ৱিকিউদ্ধৃতি সম্পাদনা মেলা আয়োজন কৰাৰ প্ৰস্তাৱ দিছোঁ। এই মেলাত সৰ্বোচ্চ অৱদানকাৰীসকলক প্ৰথম, দ্বিতীয় আৰু তৃতীয় পুৰস্কাৰ হিচাপে ক্ৰমান্বয়ে ১২০০/-, ৮০০/- আৰু ৫০০/- টকাৰ সৈতে মানপত্ৰ প্ৰদান কৰা হ'ব। পুৰস্কাৰসমূহ অসমীয়া ৱিকিপিডিয়াৰ জন্মদিন ২ জুনৰ দিনা আনুষ্ঠানিকভাৱে প্ৰদান কৰিব পৰা হ'ব।
(আৰম্ভণি পৰ্যায়ত আয়োজক সমিতিত আছে বঁটাৰ বৰঙণি দিয়াসকল, বিচাৰক/পৰ্যবেক্ষক, অন্য কেইজনমান সদস্য, প্ৰশাসকসকল। ইয়াৰ বাহিৰে বঁটা ল'বলৈ অনিচ্ছুক হ'লে ২০১৯ চনৰ পূৰ্বৰ পৰা সক্ৰিয় ৱিকিমিডিয়ানে তলত নিজৰ নাম আৰু চহী প্ৰদান কৰিব পাৰে। )
ক্ৰমিক নং | আয়োজক সমিতিৰ সদস্যৰ নাম | চহী |
---|---|---|
১ | নয়ন জ্যোতি নাথ | Nayan j Nath (বাৰ্তা) 15:43, 1 June 2024 (ইউ.টি.চি.) |
২ | দিব্য দত্ত | দিব্য দত্ত (বাৰ্তা) 08:16, 1 June 2024 (ইউ.টি.চি.) |
৩ | প্ৰণামিকা অধিকাৰী | |
৪ | জলী ৰুমী বৰা | |
৫ | অনামিকা বড়া | অনামিকা(চুমু) বড়া (বাৰ্তা) 07:59, 1 June 2024 (ইউ.টি.চি.) |
৬ | চাণক্য কুমাৰ দাস | চাণক্য (বাৰ্তা) 08:18, 1 June 2024 (ইউ.টি.চি.) |
৭ | কুলধৰ ৰাভা | 𝒦𝓊𝓁𝒹𝒽𝒶𝓇 ℛ𝒶𝒷𝒽𝒶 (𝒯𝒶𝓁𝓀) 08:15, 1 June 2024 (ইউ.টি.চি.) |
৮ | ভাস্কৰ ভূঞা | BhuyanBhaskar (বাৰ্তা) 07:24, 19 August 2024 (ইউ.টি.চি.) |
৯ | প্ৰিয়াংকুশ ডেকা | Priyankush Deka (বাৰ্তা) 08:32, 1 June 2024 (ইউ.টি.চি.) |
মে' মাহৰ অনলাইন ৱিকি মিটৰ সিদ্ধান্ত মৰ্মে "অসমীয়া ৱিকিৰ জন্মদিন তথা চন্দন চিৰিং ফুকনৰ স্মৃতিগ্ৰন্থ উন্মোচন" ২০২৪ চনৰ ২ জুন তাৰিখে তেজপুৰৰ অগ্নিগড় উদ্যানত অনুষ্ঠিত কৰাৰ মনস্থ কৰা হৈছে। ইয়াত সমন্বয়ক হিচাপে কোনে কোনে দায়িত্ব গ্ৰহণ কৰিব আৰু কেনেদৰে আয়োজন কৰা হ'ব সেই বিষয়ে সকলো ৱিকিমিডিয়ানৰ পৰা দিহা পৰামৰ্শ বিচৰা হ'ল। Rumi Borah~aswiki (বাৰ্তা) 18:02, 6 May 2024 (ইউ.টি.চি.)
শেহতীয়াকৈ আহোম বুৰঞ্জী (ৰাজ্য, ৰাজবংশ, কীৰ্তিচিহ্ন আদি) সম্পৰ্কীয় প্ৰবন্ধসমূহত গুৰুতৰ সালসলনি পৰিলক্ষিত হৈছে। প্ৰবন্ধসমূহৰ সম্পাদনা সম্পৰ্কীয় বিবাদ নীৰসন কৰিবলৈ কেইটামান প্ৰস্তাৱ দিব খুজিছোঁ।
এই ক্ষেত্ৰত সকলোৰে মতামত কামনা কৰিলোঁ। আৰু কিবা থাকিলে যোগ দিব পাৰে। ৰাইজ সন্মত হ'লে এইসমূহ প্ৰবন্ধৰ সম্পাদনাৰ বাবে ২৪ আগষ্টৰ পৰা এসপ্তাহ সময় প্ৰস্তাৱ কৰিলোঁ। — গীতাৰ্থ বৰদলৈ (বাৰ্তা) 07:45, 17 August 2024 (ইউ.টি.চি.)
Primary sources that have been reputably published may be used in Wikipedia, but only with care, because it is easy to misuse them.গতিকে গোলাপ চন্দ্ৰ বৰুৱাৰ বুৰঞ্জী ব্যৱহাৰত বাধা থাকিব নালাগে যদিহে গৌণ বা তৃতীয় শ্ৰেণীৰ উৎস থাকে তেতিয়া সেয়া অধিক নিৰ্ভৰযোগ্য হব। KHI-LAN-TZI
আহোম নাম যেনে -"চ্যু-হ্যুণ-মু'ঙ"শুধৰাই দিছিলোঁ। তেওঁ কোৱাৰ দৰে Syu-Hung-Mueng থলুৱা উচ্চাৰণ নহয় আহোম উচ্চাৰণ Hso-Hoom-Mueng (𑜏𑜢𑜤𑜰𑜫 𑜑𑜪𑜥 𑜉𑜢𑜤𑜂𑜫) হয়। বাকী ৰাইজে চ্যু-কা-ফা উচ্চাৰণ কৰ পৰা লৈছে মই নাজানো কিন্তু যদিহে ব্যৱহাৰ হৈছে পৃষ্ঠা নাম তেনেকৈ ৰখাই ভাল। KHI-LAN-TZI
২০২৩ চনত Wiki Loves Manuscript বুলি তিনিমহীয়া অনলাইন কৰ্মশালা এখন অনুষ্ঠিত কৰিছিল। তাত পৃথিৱীৰ বিভিন্ন ভাষাৰ Manuscript সংৰক্ষণৰ কথা আলোচনা চলিছিল। তেতিয়া মোৰ মনলৈ অসমৰ সাঁচিপাতৰ সংৰক্ষণৰ কথা মনলৈ আহিল। লগতে, যোৱা কেইবছৰমানৰ পৰা GLAM-WIKI সম্বন্ধীয় কিবা প্ৰকল্প আৰম্ভ কৰাৰ ভাবি আছিলোঁ। এই সম্পৰ্কত মোৰ অভিজ্ঞতা আৰু পৰিকল্পানাৰ বিষয়ে ৱিকিৰ ব্লগত মোৰ এটা লেখা প্ৰকাশ পাইছিল। (লিংক) ইয়াৰ আধাৰতে, ২০২৪ চনৰ ফেব্ৰুৱাৰী মাহত, শৈলেশ পাটনায়কৰ লগত এই বিষয়ত গুগুল-মিটত আলোচনা কৰিলোঁ। এই অলোচনা চক্ৰত মোৰ লগতে নয়ন জ্যোতি নাথ, প্ৰণামিকা অধিকাৰী, আৰু ভাস্কৰ ভূঞা উপস্থিত আছিল। এই আলোচনাৰ আধাৰতে ব্যক্তিগত সংগ্ৰহত ৰখা অসমৰ সাঁচি পাতৰ পুথিসমূহ নথিভূক্ত কৰাৰ চিন্তা-চৰ্চা কৰা হয়, য'ত বৈজ্ঞানিক সংৰক্ষণ পদ্ধতিৰ অভাৱ আছে। কিছুমান ক্ষেত্ৰত, বানপানীৰ দৰে প্ৰাকৃতিক দুৰ্যোগৰ বাবে এই সংগ্ৰহবোৰ হেৰুৱাই পেলোৱা হৈছে। ইয়াৰ উপৰিও, মই তিতাবৰ স্থিত বৌদ্ধ বিহাৰ ভ্ৰমণ কৰোঁতে জানিবলৈ পাইছিলোঁ যে পুৰণি নথিপত্ৰবোৰত ব্যৱহৃত পৰম্পৰাগত লিপিৰ সৈতে বৰ্তমান প্ৰজন্মৰ লোক প্ৰায়ে অপৰিচিত। এই পৰিস্থিতিয়ে অসমৰ অনন্য সংস্কৃতি, ইতিহাস আৰু বিবিধ দৃষ্টিভংগীৰ বিষয়ে বিশ্বাসযোগ্য আৰু নিৰ্ভৰযোগ্য তথ্য প্ৰদান কৰি অনলাইন জ্ঞান বৃদ্ধি কৰাৰ এক গুৰুত্বপূৰ্ণ সুযোগ প্ৰতিনিধিত্ব কৰে।
সেয়ে, আমি "Wiki Loves Documentation – Assam Chapter" নামৰ প্ৰকল্পটো আৰম্ভ কৰাৰ পৰিকল্পনা কৰিছোঁ। ইয়াৰ বাবে, আমি ভিডিঅ', অডিঅ' ৰেকৰ্ডিং আৰু লিখিত প্ৰবন্ধ আদিৰ যুগুত কৰাৰ পৰিকল্পনা কৰিছো, যিয়ে বিভিন্ন ৱিকি প্ৰকল্পসমূহত অৱদান আগবঢ়াব। ই অসমৰ সাংস্কৃতিক ঐতিহ্য আৰু ৱিকিমিডিয়া প্ৰকল্পৰ মাজৰ ব্যৱধান দূৰ কৰাৰ যথেষ্ট সম্ভাৱনা আছে। প্ৰথম পৰ্যায়ত এটা পাইলট প্ৰকল্প আৰম্ভ কৰাৰ কথা ভাবিছোঁ। এই পাইলট প্ৰকল্পটোৰ উদ্দেশ্য হৈছে চাৰিটা গুৰুত্বপূৰ্ণ স্থানৰ ওপৰত গুৰুত্ব দি আমাৰ নথিপত্ৰৰ দৃষ্টিভংগী পৰীক্ষা আৰু পৰিষ্কাৰ কৰা: অনিমেষ বৰা (যোৰহাট জিলা), নয়ন জ্যোতি নাথ আৰু ৰুমি বৰা (লখিমপুৰ জিলা), প্ৰণামিকা অধিকাৰী (নগাঁও জিলা) আৰু ভাস্কৰ ভূঞা (তেজপুৰ)। প্ৰতিজন সদস্য/ সদস্যাই তেওঁলোকৰ স্থানীয় ক্ষেত্ৰ সমূহৰ পৰা নথিভুক্ত কৰাৰ পৰিকল্পনা কৰিছোঁ। এই পৰ্যায়ত সন্মুখীন হোৱা অসুবিধাবোৰ মূল্যাঙ্কন কৰি, সম্পদ সংৰক্ষণ, সহযোগিতা সম্পৰ্কীয় বিষয়সহ আমি আমাৰ পদ্ধতি সমূহ কৰাৰ নিৰ্ধাৰণ কৰাৰ লক্ষ্য ৰাখিছোঁ।
এই পাইলট প্ৰকল্পটো সফলতাৰে সম্পূৰ্ণ হোৱাৰ পিছত, অসমৰ বিভিন্ন স্থানলৈ এই প্ৰকল্পটো সম্প্ৰসাৰিত কৰাৰ পৰিকল্পনা কৰিছোঁ। ইয়াৰ বাবে, ভৱিষ্যতে বিভিন্ন অঞ্চলৰ পৰা স্বেচ্ছাসেৱকৰ অংশগ্ৰহণ বৃদ্ধি কৰিব বিচাৰোঁ। এই পাইলট প্ৰকল্পটোৰ সফলতা নিশ্চিত কৰিবলৈ আমি আপোনাৰ মতামত আৰু সমৰ্থন বিচাৰোঁ। সদ্যহতে, প্ৰকল্পটো “সৰাপাত” নামেৰে নামাংকন কৰিছোঁ। লগতে, এই প্ৰকল্পটোৰ নামকৰণৰ কাৰণেও আপোনালোকৰ পৰা মতামত আগবঢ়াব বুলি আশা ৰাখিলোঁ।
- Ani ttbr (বাৰ্তা) 11:11, 18 August 2024 (ইউ.টি.চি.)
বিভিন্ন সময়ত এটা গোট হিচাপে দলীয় কামবোৰ আগবঢ়াই নিয়াৰ ক্ষেত্ৰত এটা "ইউজাৰ গ্ৰুপ" খোলাৰ প্ৰয়োজনবোধ কৰি ইয়াৰ বাবে মেটা ৱিকিত আৱেদন আগবঢ়োৱা হৈছে। গোটৰ নাম "Assamese Wikimedia Community", গোটৰ প্ৰতীক হিচাপে সদস্য দিব্য দত্তই সাজি উলিওৱা এই প্ৰতীকটো ব্যৱহাৰ কৰাৰ লগতে গোটৰ দলপতি হিচাপে সদস্য জলি ৰুমী বৰা, গীতাৰ্থ বৰদলৈ আৰু নয়ন জ্যোতি নাথক নিৰ্বাচন কৰা হৈছে। এই সম্পৰ্কত সদস্য সকলৰ সমৰ্থন আৰু মতামত আশা কৰা হৈছে।
অসমীয়া ৱিকিৰ বিভিন্ন প্ৰকল্পত সক্ৰিয় সদস্যৰ সংখ্যা এতিয়াও তেনেই সীমিত। এই উদেশ্যে অনুষ্ঠিত কৰি অহা কৰ্মশালা বা প্ৰতিযোগিতাসমূহে নতুন সদস্যক আগ্ৰহী কৰাত সহায় কৰিছে যদিও উদ্যমেৰে অৱদান আগবঢ়াই অহা সক্ৰিয় সদস্যৰ সংখ্যাত বিশেষ প্ৰভাৱ পেলাব পৰা নাই। মোৰ ধাৰণা, ইয়াৰ মূল কাৰণ তিনিটা-
১) আৰ্থিক লাভ বা নাম নোহোৱাকৈ অসমীয়া ভাষাৰ হকে হাতে-কামে অৱদান আগবঢ়োৱাত বেছিভাগ অসমীয়াৰে ইচ্ছা বা আগ্ৰহ নাই।
২) অসমীয়া ৱিকিৰ বিভিন্ন প্ৰকল্প আৰু অসমীয়া ভাষাত বাবে এই প্ৰকল্পসমূহৰ গুৰুত্বৰ বিষয়ে বহুতে এতিয়াও ভালদৰে গম নাপায়।
৩) অসমীয়া ৱিকিৰ বিষয়ে জানিলেও বা এই প্ৰকল্পবোৰত কাম কৰিবলৈ আগ্ৰহী হ'লেও কেনেকৈ আগবাঢ়িব সেইবিষয়ে বহুতে নাজানে। লগতে দৈনন্দিন ব্যস্ততাত এইক্ষেত্ৰত নিজা উদ্যোগ লৈ কিবা এটা কৰিবলৈ সময়-সুবিধা নহয়গৈ।
প্ৰথমটো কাৰণ দূৰ কৰিবলৈ আমি কৰিব পৰা বিশেষ কিবা আছে বুলি নাভাৱো। দ্বিতীয়টো নিৰাময়ৰ বাবে যথাসম্ভৱ ৱিকিৰ প্ৰচাৰ আৰু প্ৰসাৰ কৰি যোৱাৰ দৰকাৰ। সেই চেষ্টা অব্যাহত আছে আৰু আগলৈও থাকিব বুলি আশাবাদী। তৃতীয় কাৰণটো দূৰ কৰিবলৈ আমি ইতিমধ্যে কৰা প্ৰচেষ্টাৰ লগতে এটা প্ৰস্তাৱ যোগ দিব খুজিছোঁ। নতুন আৰু আগ্ৰহী সদস্যসকলে প্ৰয়োজন অনুসৰি নিসংকোচে দৰকাৰী কথাবোৰ সুধি-বুজি ল'বলৈ আমি এটা মেণ্টৰশ্বিপ আঁচনি ল'ব পাৰি নেকি? এই আঁচনিৰ অধীনত আগ্ৰহী সক্ৰিয় সদস্যই নতুন সদস্যক দিহা-পৰামৰ্শ আৰু প্ৰয়োজন অনুসৰি প্ৰশিক্ষণ দি ৱিকিত সক্ৰিয় কৰি তোলাৰ চেষ্টা কৰিব। এনে প্ৰচেষ্টা ব্যক্তিগত উদ্যোগত ইতিমধ্যে হৈ আছে আৰু এই প্ৰক্ৰিয়াৰ সুফলো আমি দেখা পাইছোঁ। সেয়ে প্ৰক্ৰিয়াটো কিছু পৰিকল্পনাৰে এটা প্ৰণালীবদ্ধ আৰু দলীয় ৰূপ দি মেণ্টৰশ্বিপ হিচাপে প্ৰতিষ্ঠা কৰাৰ বাবে প্ৰস্তাৱ আগবঢ়াইছোঁ। এইসম্পৰ্কে মোৰ মনলৈ অহা কথাখিনি-
(ক) মেণ্টৰশ্বিপৰ এটা সময়সীমা (তিনিমাহ বা ছমাহ) বান্ধি দিয়া হ'ব যাতে এই প্ৰক্ৰিয়াৰ শেষত সক্ৰিয়তা বা আঁচনিৰ কাৰ্যকাৰিতা নিৰ্ধাৰণ কৰিব পৰা যায়।
(খ) মেণ্টৰশ্বিপৰ বাবে আগ্ৰহী সক্ৰিয় সদস্যই যিকোনো ৱিকি প্ৰকল্পতে মেণ্টৰৰূপে অংশ ল'ব পাৰিব।
(গ) মেণ্টৰসকলে নিজে দুগৰাকী (এগৰাকী?) নতুন সদস্যক সহায় কৰিবলৈ বাচি ল'ব পাৰে বা ৱিকিৰ চ'চিয়েল মিডিয়াৰ গোটৰ পৰাও আহ্বান জনাই আগ্ৰহী সদস্য বিচাৰিব পৰা যায়।
(ঘ) আঁচনিৰ আৰম্ভণি আৰু সামৰণিত একোখন ৱিকিসভা আহবান কৰি সকলো নতুন সদস্যৰ আদৰণি, প্ৰাৰম্ভিক প্ৰশিক্ষণ আৰু সামৰণি (অৱদানৰ স্বীকৃতি আৰু সক্ৰিয়তা অব্যাহত ৰখাৰ পৰিকল্পনা)ৰ ব্যৱস্থা কৰিব পাৰি।
(ঙ) মেণ্টৰশ্বিপৰ সমগ্ৰ সময়ছোৱাত প্ৰতিগৰাকী মেণ্টৰে নতুন সদস্যসকলৰ সৈতে প্ৰতিমাহে কমেও এবাৰকৈ হ'লেও অনলাইন আৰু অফলাইন লগ হৈ ৱিকিত কাম কৰিবলৈ সহায়-দিহা-পৰামৰ্শ আগবঢ়াব।
এইসম্পৰ্কে সকলোৰে মতামত আশা কৰিছোঁ। -Joli Rumi (বাৰ্তা) 22:22, 28 August 2024 (ইউ.টি.চি.)
মেণ্টৰশ্বিপৰ কৰ্মসূচী এখন প্ৰস্তুত কৰিছোঁ। ৰাইজে সংযোজন/বিয়োজন কৰিব। বন্ধনীৰ ভিতৰত দিয়া দিনবোৰৰ দ্বাৰা 'অতিকমেও' বুজোৱা হৈছে।
(১) সদস্য বাছনি (২) ৱিকিমিডিয়াৰ প্ৰকল্পসমূহৰ আভাষ
(৩) ৱিকিউৎসৰ বিস্তৃত পৰিচয়-২ দিন
(৪) ৱিকিকমন্সৰ পৰিচয়-১ দিন
(৫) ৱিকিউদ্ধৃতিৰ পৰিচয়-২ দিন
(৬) ৱিকিডাটাৰ পৰিচয়-২ দিন
(৭) ৱিকিমিডিয়াৰ বিভিন্ন প্ৰতিযোগিতাৰ পৰিচয় আৰু পৰৱৰ্তী প্ৰতিযোগিতাত অংশগ্ৰহণৰ নিশ্চিততা-২ দিন
(৮) ৱিকিমিডিয়াত নিজৰ পৰিসংখ্যা, সদস্য পৃষ্ঠা, গোলকীয় অৱদান আদি নিৰীক্ষণ -২ দিন
(৯) ৱিকিপত্ৰিকাৰ পৰিচয়-১ দিন
(১০) সতীৰ্থ ৱিকিমিডিয়ানক পদক, ধন্যবাদ প্ৰদান-১ দিন
(১১) ৱিকিপিডিয়াৰ ছছিয়েল মিডিয়াত গতিবিধি নিৰীক্ষণ-২ দিন
(১২) ৱিকিপিডিয়াৰ অৱদানসমূহ ছছিয়েল মিডিয়াত সময়বিশেষে প্ৰচাৰ, লিংক শ্বেয়াৰ ইত্যাদি-১ দিন
(১৩) ইণ্টাৰনেট আৰ্কাইভৰ পৰিচয়-২ দিন
(১৪) পুৰণি কিতাপৰ খবৰ-বাতৰি সংগ্ৰহ আৰু তেনে এখন কিতাপ ৱিকিকমন্সত আপলোড কৰি ৱিকিউৎসত সূচী তৈয়াৰ-১ দিন
(১৫) অসমীয়া ৱিকিমিডিয়াৰ বিভিন্ন সন্মিলন, অংশগ্ৰহণ, কৰ্মশালাৰ পৰিচয়-১ দিন
(১৬) ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ৰ ৱিকিসন্মিলন, কৰ্মশালা আদিৰ পৰিচয়-১ দিন
(১৭) ৱিকিসভাত অংশগ্ৰহণ নিশ্চিতকৰণ আৰু পৰৱৰ্তী ৱিকিসভাত সক্ৰিয়তা বৃদ্ধিৰ বাবে এটা দায়িত্ব অৰ্পণ-১ দিন
(১৮) আহৰণ কৰা জ্ঞানেৰে ৱিকিপত্ৰিকাত অভিজ্ঞতা বৰ্ণনা আৰু চচিয়েল মিডিয়াত 'মনৰ কথা' শ্বেয়াৰ
(১৯) আগ্ৰহী নতুন সদস্যক ৱিকিমিডিয়াৰ বিষয়ে অৱগত কৰা আৰু অতি কমেও এজন সদস্যক ৱিকিমিডিয়াৰ লগত সংযুক্ত কৰি আৰ্জিত জ্ঞানখিনি ভগাই লোৱা।
আপোনাসৱৰ মন্তব্যৰ বাবে বাট চালোঁ।- ঈশান জ্যোতি বৰা (বাৰ্তা) 00:51, 29 August 2024 (ইউ.টি.চি.)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.