From Wikipedia, the free encyclopedia
পেডিকিউৰ (ইংৰাজী: pedicure) হৈছে ভৰি আৰু ভৰিৰ নখৰ প্ৰসাধন চিকিৎসা, যিটো মেনিকিউৰৰ সৈতে সাদৃশ্যপূৰ্ণ। পেডিকিউৰৰ সময়ত ৰুক্ষ শিল (প্ৰায়ে পিউমিচ ষ্টোন) ব্যৱহাৰ কৰি ভৰিৰ তলৰ পৰা মৃত ছালৰ কোষবোৰ ঘঁহি লোৱা হয়। প্ৰায়ে আঁঠুলৈকে ছালৰ যত্ন লোৱা হয়, য’ত গ্ৰেনুলাৰ এক্সফোলিয়েচন, মইশ্ব’ৰাইজিং, আৰু মালিচ আদি অন্তৰ্ভুক্ত কৰা হয়। পেডিকিউৰ শব্দটো লেটিন শব্দ পেডিছ, যাৰ অৰ্থ "ভৰিৰ", আৰু কুৰা, যাৰ অৰ্থ "যত্ন"ৰ পৰা উদ্ভৱ হৈছে।[1]
৪ হাজাৰ বছৰতকৈও অধিক সময় ধৰি মানুহে নখৰ পেডিকিউৰিং কৰি আহিছে। দক্ষিণ বেবিলনত সম্ভ্ৰান্ত লোকসকলে নিজৰ মেনিকিউৰ আৰু পেডিকিউৰ কৰিবলৈ কঠিন সোণৰ সঁজুলি ব্যৱহাৰ কৰিছিল। নেইলপলিছৰ ব্যৱহাৰ তাৰ আগৰ পৰাই আছিল বুলি অনুমান কৰিব পাৰি। খ্ৰীষ্টপূৰ্ব ৩০০০ চনত চীনৰ পৰা উৎপত্তি হোৱা নখৰ ৰঙে মানুহৰ সামাজিক মৰ্যাদাৰ ইংগিত দিছিল বুলি মিং বংশৰ এখন পাণ্ডুলিপিত উল্লেখ আছে; ৰজাৰ নখবোৰ ক’লা আৰু ৰঙা ৰং কৰা হৈছিল। প্ৰাচীন মিচৰীয়াসকলে খ্ৰীষ্টপূৰ্ব ২৩০০ চনলৈকে মেনিকিউৰিং কৰি আহিছে।[2] ফাৰাওৰ সমাধিৰ প্ৰাপ্ত খোদিত কৰা শিল্পত আদিম মেনিকিউৰ আৰু পেডিকিউৰৰ চিত্ৰ পোৱা গৈছিল আৰু মিচৰীয়াসকলে ভৰি আৰু ভৰিৰ প্ৰতি বিশেষ গুৰুত্ব দিয়াৰ বাবে জনাজাত আছিল।[2] মিচৰীয়াসকলেও নিজৰ নখত ৰং কৰিছিল, উচ্চতম সামাজিক শ্ৰেণীক দেখুৱাবলৈ ৰঙা ব্যৱহাৰ কৰিছিল। কোৱা হয় যে ক্লিওপেট্ৰাৰ নখবোৰত গভীৰ ৰঙা ৰং কৰা হৈছিল,[3] আনহাতে ৰাণী নেফাৰ্টিটিয়ে ৰুবি শ্বেডৰ ৰং কৰা হৈছিল। প্ৰাচীন মিচৰ আৰু ৰোমত সামৰিক সেনাপতিসকলেও যুদ্ধলৈ যোৱাৰ আগতে ওঁঠৰ লগত মিলাকৈ নখ ৰং কৰিছিল।
সাধাৰণতে আমেৰিকাত পেডিকিউৰত প্ৰায় ৪৫ মিনিটৰ পৰা এঘণ্টা সময় লাগে। আমেৰিকাৰ শ্ৰম বিভাগৰ মতে, মেনিকিউৰ আৰু পেডিকিউৰ বিশেষজ্ঞসকলে ২০১৫ চনত গড় আয় প্ৰায় ২০,৮২০ ডলাৰ কৰিছিল।[4][5] বেছিভাগ পেছাদাৰীয়ে ঘণ্টাৰ মজুৰি বা দৰমহা লাভ কৰে যিটো গ্ৰাহকৰ টিপছৰ জৰিয়তে বৃদ্ধি কৰিব পাৰি। স্বতন্ত্ৰ নখ কাৰিকৰী বিদ্যাবিদসকলে জীৱিকা উপাৰ্জনৰ বাবে পুনৰাবৃত্তিমূলক আৰু ধাৰাবাহিক ব্যৱসায়ৰ ওপৰত নিৰ্ভৰ কৰে। আটাইতকৈ সফল স্বতন্ত্ৰ মেনিকিউৰ কাৰিকৰী বিদ্যাবিদসকলে বছৰি ৫০,০০০ ডলাৰৰ ওপৰত দৰমহা লাভ কৰিব পাৰে।[6] নখৰ কাৰিকৰী বিদ্যাবিদসকলে অধিক কাৰিকৰী নখৰ চিকিৎসা, যেনে ফৰাচী পেডিকিউৰ আৰু ভাস্কৰ্য্য নিৰ্মাণ কৰি প্ৰতি ঘণ্টাত ১০০ ডলাৰ পৰ্যন্ত উপাৰ্জন কৰিব পাৰে যদিও এই চিকিৎসা ভৰিৰ বাবে জনপ্ৰিয় নহয়। এটা ষ্টেণ্ডাৰ্ড পেডিকিউৰ চিকিৎসাৰ দাম সাধাৰণতে প্ৰায় ৪০ ডলাৰ।
পেডিকিউৰৰ বাবে প্ৰয়োজনীয় সঁজুলিবোৰ হ’ল:-
নখৰ প্ৰসাধন সামগ্ৰী:-
কেইবাপ্ৰকাৰৰো পেডিকিউৰ পদ্ধতি আছে৷ সেইবোৰ হ’ল:-
অনুচিত বা অস্বাস্থ্যকৰ পেডিকিউৰ কৰিলে সংক্ৰমণৰ সম্ভাৱনা বৃদ্ধি পাব পাৰে। প্ৰথমতে, কিছুমান পেডিকিউৰ প্ৰথা অত্যধিক আক্ৰমণাত্মকভাৱে কৰিলে ছালৰ ক্ষতি হ’ব পাৰে আৰু তেনেকৈয়ে সংক্ৰমণৰ সম্ভাৱনা বৃদ্ধি পায়। উদাহৰণস্বৰূপে, ভৰিৰ তলুৱাত থকা কেলাছবোৰ শ্বেভ কৰিবলৈ পিউমিচ ষ্টোন ব্যৱহাৰ কৰিলে ঘৰ্ষণ হ’ব পাৰে আৰু কুটিল নিপাৰে ভুলবশতঃ কুটিলৰ অত্যধিক অংশ আঁতৰাই পেলাব পাৰে। দ্বিতীয়তে, যন্ত্ৰ বা ভৰিৰ গা ধোৱা ঠাইত সঠিকভাৱে বীজাণুমুক্ত নহ’বও পাৰে, যাৰ ফলত ইতিমধ্যে দুৰ্বল ছালত ৰোগ সৃষ্টিকাৰী জীৱাণু প্ৰৱেশ কৰিব পাৰে। মাইকোবেক্টেৰিয়াম ফৰ্টুইটামে ভৰিৰ স্পাত সংক্ৰমণৰ সৃষ্টি কৰে বুলি জনা যায়।[7] বিশেষকৈ তেজৰ সোঁত, সংবেদন, ৰোগ প্ৰতিৰোধ ক্ষমতা বা ভৰিৰ আৰোগ্য হোৱা, যেনে ডায়েবেটিছ আদিৰ ওপৰত প্ৰভাৱ পেলোৱা চিকিৎসাজনিত অৱস্থা থকা লোকৰ বাবে এই বিপদসমূহ অধিক। চিডিচিৰ দৰে প্ৰধান স্বাস্থ্য সংস্থাই ডায়েবেটিছ ৰোগীক ভৰি তিয়াই নিদিবলৈ বা কেলাছ আঁতৰাই নিদিবলৈ পৰামৰ্শ দিয়ে আৰু প্ৰায়ে প'ডিয়াট্ৰিষ্টক ভৰিৰ নখ কাটিবলৈ দিয়ে, যিবোৰ বহুতো পেডিকিউৰৰ কিছুমান মূল অংশ।[8]
ভৰি পৰিষ্কাৰ বা তিয়াই থ’বলৈ ব্যৱহাৰ কৰা দ্ৰৱ আৰু ৰাসায়নিক পদাৰ্থইও ছালৰ বিষৰ সৃষ্টি কৰিব পাৰে। অনুচিতভাৱে ট্ৰিমিং কৰাৰ ফলত ভৰিৰ নখ ভিতৰতে গজি উঠাৰ আশংকা থাকিব পাৰে।[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.