দ্য জেনেৰেল (১৯২৬ চলচ্চিত্ৰ)
From Wikipedia, the free encyclopedia
দ্য জেনেৰেল (ইংৰাজী: The General) হৈছে ১৯২৬ চনত ইউনাইটেড আৰ্টিষ্টে মুক্তি দিয়া এখন আমেৰিকান নিৰ্বাক চলচ্চিত্ৰ। আমেৰিকাৰ গৃহযুদ্ধৰ সময়ত সংঘটিত হোৱা এটা সত্য কাহিনীৰ দ্বাৰা অনুপ্ৰাণিত হৈ ছবিখন নিৰ্মাণ কৰা হৈছিল। ১৮৮৯ চনত প্ৰকাশ পোৱা উইলিয়াম পিটেংগাৰৰ স্মৃতিচাৰণ গ্ৰন্থ দ্য গ্ৰেট ইঞ্জিন চেজৰ আধাৰত দ্য জেনেৰেলৰ কাহিনীটো সজোৱা হৈছে। ছবিখনৰ মূল চৰিত্ৰত অভিনয় কৰিছে বাষ্টাৰ কিটনে, যিয়ে ক্লাইড ব্ৰুকমেনৰ সৈতে ছবিখন যুটীয়াভাবে পৰিচালনাও কৰিছে৷
দ্য জেনেৰেল | |
---|---|
![]() চিত্ৰগৃহত মুক্তিৰ বাবে তৈয়াৰী পোষ্টাৰ | |
পৰিচালক | ক্লাইড ব্ৰুকমেন বাষ্টাৰ কিটন |
চিত্ৰনাট্য | Al Boasberg ক্লাইড ব্ৰুকমেন বাষ্টাৰ কিটন চাৰ্লছ্ হেনৰী স্মিথ পল জেৰাৰ্ড স্মিথ |
ভিত্তি | দ্য গ্ৰেট লক'মোটিভ চেজ ১৮৬৩ উপন্যাস লেখক: ৱিলিয়াম পিটেংগাৰ |
প্ৰযোজক | Joseph Schenck বাষ্টাৰ কিটন |
অভিনয়ত | বাষ্টাৰ কিটন মেৰিয়ন মেক |
চিত্ৰগ্ৰহণকাৰী | বাৰ্ট হেইনছ্ Devereaux Jennings |
সম্পাদনা | বাষ্টাৰ কিটন ছেৰম্যান কেল |
সংগীত পৰিচালক | ৱিলিয়াম পি পেৰি (১৯২৬) কাৰ্ল জেভিচ (১৯৮৭) ৰবাৰ্ট ইছৰেল (১৯৯৫) বওদিম জ্যাম (১৯৯৯) Joe Hisaishi (২০০৪) টিমথি ব্ৰুক (২০০৫) এঞ্জেলিনা ফ'ন্দা (২০১৭) |
প্ৰযোজনা কোম্পানীসমূহ |
বাষ্টাৰ কিটন প্ৰ'ডাকচনচ্ জোচেফ এম. শ্বেংগ্ প্ৰ'ডাকচনচ্ |
পৰিবেশক | ইউনাইটেড আৰ্টিষ্টছ্ |
মুক্তি |
ডিচেম্বৰ ৩১, ১৯২৬ (1926-12-31)[1] (টকিঅ') ফেব্ৰুৱাৰী ৫, ১৯২৭ (1927-02-05) (নিউয়ৰ্ক চিটি) |
দৈৰ্ঘ্য |
৭৫ মিনিট (৮ ৰিল) (ভিন্ন সংস্কৰণত ভিন্ন সময় দেখা যায়) |
দেশ | আমেৰিকা যুক্তৰাষ্ট্ৰ |
ভাষাসমূহ | নিৰ্বাক চলচ্চিত্ৰ ইংৰাজী ই্ণ্টাৰটাইটল |
বাজেট | $৭৫০,০০০ |
সৰ্বমুঠ আয় | $১ মিলিয়ন |
প্ৰথম মুক্তিৰ সময়ত, নিৰ্বাক যুগৰ শেষৰ ফালে নিৰ্মিত একচন-এডভেঞ্চাৰ-কমেডী দ্য জেনেৰেলে সমালোচক আৰু দৰ্শকৰ পৰা ভাল সঁহাৰি পোৱা নাছিল, যাৰ ফলত বক্স অফিচৰ আয় মধ্যমীয়া ধৰণৰ আছিল৷ তেতিয়াৰ দিনৰ এক বিশাল বাজেট ৭.৫০ হাজাৰ ডলাৰ যোগান ধৰিছিল জোচেফ শ্বেংকে৷ উল্লেখনীয় লাভ উপাৰ্জন কৰিব নোৱাৰাৰ দোষত কিটনে চলচ্চিত্ৰ নিৰ্মাতা হিচাপে স্বাধীনতা হেৰুৱাই পেলাইছিল আৰ পেট্ৰ’-গল্ডৱিন-মেয়াৰ ষ্টুডিঅ'ৰ সৈতে সীমিত চুক্তি কৰিবলৈ বাধ্য হৈ পৰিছিল।
ছবিখনৰ দাবীদাৰসকলে ইয়াৰ কপিৰাইট পুনৰ নবীকৰন নকৰাত মুক্তিৰ ২৮ বছৰ পিছত, ১৯৫৪ চনত দ্য জেনেৰেল আমেৰিকা যুক্তৰাষ্ট্ৰৰ পাব্লিক ড'মেইনৰ অন্তৰ্ভূক্ত হয়৷[2]
পিছলৈ ছবিখনক পুনৰ্মূল্যায়ণ কৰা হয় আৰু বৰ্তমান প্ৰায়ে ইয়াক এতিয়ালৈকে নিৰ্মিত সৰ্বশ্ৰেষ্ঠ আমেৰিকান ছবিসমূহৰ ভিতৰত স্থান দিয়া হয়। ১৯৮৯ চনত ইয়াক "সাংস্কৃতিক, ঐতিহাসিক বা নান্দনিকভাৱে গুৰুত্বপূৰ্ণ" হোৱাৰ বাবে লাইব্ৰেৰী অফ কংগ্ৰেছে যুক্তৰাষ্ট্ৰৰ নেচনেল ফিল্ম ৰেজিষ্ট্ৰীত সংৰক্ষণৰ হেতু প্ৰথম শ্ৰেণীত অন্তৰ্ভূক্ত কৰিবলৈ বাচনি কৰে৷