তুৰ্কমেনিস্তানৰ নাৰী
From Wikipedia, the free encyclopedia
তুৰ্কমেনিস্তানৰ নাৰীসকলে (ইংৰাজী: Women in Turkmenistan) দেশৰ জনসংখ্যাৰ ৫০.৮% অধিকাৰ কৰি আছে।[1] সাধাৰণতে তেওঁলোকৰ ভূমিকা সমাজত নিৰ্ধাৰিত আৰু পুৰুষৰ তুলনাত অধিকাৰ কম। চৰকাৰী চেন্সৰশ্বিপ আৰু নিৰ্ভৰযোগ্য চৰকাৰী তথ্যৰ অভাৱৰ বাবে দেশত মহিলাৰ অধিকাৰৰ অধ্যয়ন কঠিন হৈ পৰিছে।
তুৰ্কমেনিস্তানৰ সংবিধানৰ ১৮ নং অনুচ্ছেদৰ অধীনত মহিলাসকলক পুৰুষৰ সমানেই অধিকাৰ নিশ্চিত কৰা হৈছে।[2] কাৰ্যক্ষেত্ৰত অৱশ্যে তেওঁলোকে নিয়মিত ৰাজনৈতিক আৰু সমাজৰ বৈষম্যৰ সন্মুখীন হয়। মহিলাসকলক স্বতন্ত্ৰ মহিলা সংগঠন গঠন কৰিবলৈ দিয়া নহয় আৰু গঠন কৰিলেও এনে সকলো সংগঠন তুৰ্কমেনিস্তানৰ মহিলা সংঘৰ অধীনত পঞ্জীভুক্ত হ'ব লাগিব।[3] সংঘই দেশৰ সংসদৰ ১৬.৮% অংশ অধিকাৰ কৰি আছে। বেছিভাগ মহিলাই ঘৰত মাতৃ বা গৃহিণী হিচাপে, নাইবা বজাৰত বিক্ৰেতা হিচাপে কাম কৰে।[4] দেশখনৰ ইছলামিক শিপা কেইবা শতিকা পুৰণি যদিও তুৰ্কমেন মহিলাসকলে কেতিয়াও মুখ ঢাকি ৰখা নাছিল আৰু তাৰ কোনো প্ৰয়োজনো নহয়। চুবুৰীয়া দেশৰ মহিলাসকলতকৈ তুৰ্কমেন মহিলাসকল সদায় অধিক স্পষ্টবাদী আৰু সামাজিকভাৱে অধিক সক্ৰিয়।