![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/Nobel_Laureates_7327_%252830647283454%2529.jpg/640px-Nobel_Laureates_7327_%252830647283454%2529.jpg&w=640&q=50)
জেমছ ফ্ৰাছাৰ ষ্টদদাৰ্ট
From Wikipedia, the free encyclopedia
ছাৰ জেমছ ফ্ৰাছাৰ ষ্টদদাৰ্ট (Sir James Fraser Stoddart) (জন্ম: ২৪ মে, ১৯৪২[5]) এজন স্কটিছ ৰসায়ন বিজ্ঞানী। তেঁও বৰ্তমান আমেৰিকা যুক্তৰাষ্ট্ৰৰ নৰ্থৱেষ্টাৰ্ণ বিশ্ববিদ্যালয়ৰ ৰসায়ন বিজ্ঞান বিভাগৰ ষ্টদদাৰ্ট মেকান'ষ্টেৰীঅকেমিষ্ট্ৰী গোটৰ মুৰব্বী অধ্যাপক।[8] তেওঁ অতিআণৱিক ৰসায়ন আৰু নেন'প্ৰযুক্তি ক্ষেত্ৰত বহুতো অৱদান আগবঢ়াইছে। তেওঁ আণৱিক ব'ৰ'মীন ৰিং, কেটেনেন আৰু আণৱিক চিনাক্তকৰণত ৰোটেক্সেনৰ ব্যৱহাৰ আৰু ইয়াৰ আণৱিক চেল্ফএচেম্বলি আদিৰ দৰে অতি উপযোগী যান্ত্ৰীকভাৱে সংযুক্ত আণৱিক সংৰচনাৰ উন্নতি সাধন কৰিছে। তেওঁ দেখুৱাইছিল যে ট'প'লজি সমূহ আণৱিক চুইচ আৰু মটৰ অণু হিচাপে ব্যৱহাৰ কৰিব পাৰি।[9] তেওঁৰ গোটে এই সংৰচনা সমূহ ব্যৱহাৰ কৰি নেন'ইলেক্ট্ৰনিক্স সঁজুলি আৰু নেন'ইলেক্ট্ৰমেকানিকেল তন্ত্ৰত ব্যৱহাৰ কৰিছিল।[10] তেওঁৰ অৱদানৰ বাবে বহুতো আন্তৰ্জাতিক বঁটা আৰু সন্মান লাভ কৰিছে।[11][12] তেওঁ বেৰনাৰ্ড লুকাছ ফেৰীনগা আৰু জিন-পিয়েৰী চাওভেজৰ লগত যুটীয়া ভাবে "আণৱিক যন্ত্ৰৰ আৰ্হি প্ৰস্তুতকৰণ আৰু সংশ্লেষণ"ৰ কাৰণে ২০১৬ বৰ্ষৰ ৰসায়ন বিজ্ঞানৰ নোবেল বঁটা লাভ কৰে।[4][13]
![Thumb image](http://upload.wikimedia.org/wikipedia/commons/thumb/7/79/Rotaxane_Crystal_Structure_EurJOrgChem_page2565_year1998.png/640px-Rotaxane_Crystal_Structure_EurJOrgChem_page2565_year1998.png)
![Thumb image](http://upload.wikimedia.org/wikipedia/commons/thumb/1/1e/Catenane_Crystal_Structure_ChemComm_page634_1991_commons.png/640px-Catenane_Crystal_Structure_ChemComm_page634_1991_commons.png)
![Thumb image](http://upload.wikimedia.org/wikipedia/commons/thumb/b/b7/Molecular_Borromean_Rings_Atwood_Stoddart_commons.png/320px-Molecular_Borromean_Rings_Atwood_Stoddart_commons.png)
ছাৰ জেমছ ফ্ৰাছাৰ ষ্টদদাৰ্ট Sir James Fraser Stoddart | |
---|---|
![]() | |
জন্ম | ২৪ মে', ১৯৪২ (৮২ বছৰ) এডিনবাৰ্গ, স্কটলেণ্ড, যুক্তৰাজ্য |
বাসস্থান | যুক্তৰাজ্য, আমেৰিকা যুক্তৰাষ্ট্ৰ |
জাতীয়তা | ব্ৰিটিছ |
ক্ষেত্ৰ | অতিআণৱিক ৰসায়ন |
কৰ্মস্থান | কুইনছ বিশ্ববিদ্যালয় (১৯৬৭-৭০) শ্বেফফিল্ড বিশ্ববিদ্যালয় (১৯৭০-৯০) বীৰমিংহাম বিশ্ববিদ্যালয় (১৯৯০-৯৭) কেলিফোৰ্নিয়া বিশ্ববিদ্যালয়, লছ এঞ্জেলেছ (১৯৯৭-২০০৮) নৰ্থৱেষ্টাৰ্ণ বিশ্ববিদ্যালয়(২০০৮-বৰ্তমানলৈকে) |
শিক্ষানুষ্ঠান | এডিনবাৰ্গ বিশ্ববিদ্যালয় (BSc, ১৯৬৪; PhD, ১৯৬৬; DSc, ১৯৮০) |
ডক্তৰেল পৰামৰ্শদাতা | |
ডক্তৰেল বিদ্যাৰ্থী | ডেভিদ লেই[2] |
জনা যায় | যান্ত্ৰীকভাৱে সংযুক্ত আণৱিক সংগঠন |
উল্লেখনীয় বঁটা |
|
দাম্পত্যসঙ্গী | নৰ্মা এগ্নেছ স্কলান (বি. ১৯৬৮; her death ২০০৪)[5][6][7] |
সতি-সন্ততি | দুজন[5] |