ছেখমেট
From Wikipedia, the free encyclopedia
মিচৰৰ পৌৰাণিক আখ্যানসমূহত ছেখমেট (ইংৰাজী: Sekhmet) হৈছে এগৰাকী যোদ্ধা আৰু নিৰাময়ৰ দেৱী। তেওঁক সিংহিনীৰ ৰূপত চিত্ৰিত কৰা হয়। তেওঁ আছিল ফাৰাওসকলৰ ৰক্ষক আৰু যুদ্ধত ছেখমেটে তেওঁলোকক নেতৃত্ব দিছিল। ছেখমেট এগৰাকী সৌৰ দেৱী। তেওঁক সূৰ্যদেৱতা ৰাৰ কন্যা বুলিও কোৱা হয়। তেওঁ প্ৰায়ভাগ সময়তে হাথৰ আৰু বাষ্টেট দেৱীৰ সৈতে সম্পৰ্কিত। ছেখমেট ৰাৰ শক্তিৰ প্ৰতিশোধপৰায়ণ প্ৰকাশ ৰাৰ নেত্ৰ (ইংৰাজী: Eye of Ra) হিচাপে কাম কৰা দেৱীসকলৰ ভিতৰত তেওঁ আছিল অধিক গুৰুত্বপূৰ্ণ। ছেখমেটে উশাহত জুই নিৰ্গমন কৰা বুলি কোৱা হৈছিল আৰু মৰুভূমিৰ উষ্ণ বতাহক তেওঁৰ উশাহৰ লগত তুলনা কৰা হৈছিল। ৰোগ প্ৰতিৰোধ কৰিবলৈ ছেখমেটক আহ্বান জনোৱা হৈছিল যদিও তেওঁক মহামাৰী সৃষ্টিৰ কৃতিত্বও দিয়া হৈছিল। এই মহামাৰীসমূহক ছেখমেটৰ দাস বা দূত বুলি কোৱা হৈছিল।[1]
ক্ষিপ্ৰ তথ্য ছেখমেট, মুখ্য উপাসনাস্থল ...
ছেখমেট | |
---|---|
সিংহমুখীয়া ছেখমেট | |
মুখ্য উপাসনাস্থল | মেম্ফিছ, লিঅ'ট'পলিছ |
প্ৰতীক | সূৰ্য চক্ৰ, ৰঙা লিনেন, সিংহিনী |
সঙ্গী | টাহ |
পিতৃ-মাতৃ | ৰা (সূৰ্যদেৱতা) |
সন্তান | নেফাৰটেম |
বন্ধ কৰক