From Wikipedia, the free encyclopedia
চুত্যিণ্ফাৰ মৃত্যুৰ পাছত ১৬৪৮ চনত তেখেতৰ পুত্ৰ চাওফা চ্যু-তাম-লাক ৰজা পতা হয়। হিন্দু প্ৰথমতে তেখেতে জয়ধ্বজ সিংহ নাম লয়। ১৬৬২ চনৰ মোগলৰ একাদশতম আক্ৰমণত মোগলে আহোম ৰাজধানী গড়গাঁও অধিকাৰ কৰে। জয়ধ্বজ সিংহ ৰণৰ পৰা পলাই যাব লগা হৈছিল বাবে তেখেতক ভগনীয়া ৰজা বোলা হয়। ১৬৬৩ চনত আহোম আৰু মোগলৰ মাজত তিপামৰ ঘিলাধাৰী ঠাইত সন্ধি হয়। এই সন্ধিৰ চৰ্ত অনুসৰি জয়ধ্বজ সিংহৰ কন্যা ৰমণী গাভৰুৱে অসমৰ সকলো ত্যাগ কৰি সুদূৰ দিল্লীলৈ যাব লগা হৈছিল।
চাওফা চ্যু-তাম-লা | |
---|---|
চাওফা | |
১৬৪৮ - ১৬৬৩ খ্ৰীষ্টাব্দ | |
চুত্যিণ্ফা | |
উত্তৰাধিকাৰী | চুপংমুং |
সম্পূৰ্ণ নাম | |
চাওফা চ্যু-তাম-লা | |
বাসগৃহ | ছ্যু ফৈদ, আহোম ৰাজবংশ |
ধৰ্ম | আহোম ধৰ্ম |
১৬৫০ চনত লক্মা নগাৰ উৎপাত ৰোধ কৰিবলৈ এটা সৈন্যদল পঠিওৱা হয়। নগাৰ গাঁও আদি ধ্বংস কৰা হ'লেও নগাসকলে পুনৰ লুটপাত আৰম্ভ কৰে। গতিকে চাৰিবছৰৰ পাছত আকৌ এটা দল পঠিওৱা হয়। নগাই যাঠী-জোঙেৰে আক্ৰমণ কৰাত আহোম সেনাৰ লগত যোৱা ডফলা সেনাসকলে প্ৰতিৰোধ কৰে। পাছত নগাসকলে শান্তিৰ প্ৰস্তাৱ দিয়ে। কিন্তু আলোচনা কৰিবলৈ যোৱা দলটোক তেওঁলোকে হত্যা কৰে। আহোম সেনাই ডাঙৰ দল লৈ তেওঁলোকক আক্ৰমণ কৰি গাঁও, ভঁৰাল ধ্বংস কৰাত নগাসকলে শান্তিৰ প্ৰস্তাৱ লৈ বছৰি কৰ দিবলৈ মান্তি হয়।
১৬৫৫ চনত মিৰিসকলে আক্ৰমণ চলাই দুজন আহোম লোকক হত্যা কৰে। প্ৰত্যুত্তৰত আহোম সেনাই প্ৰায় তিনিশজন মিৰি লোকক প্ৰাণ নাশ কৰে আৰু বাৰখন গাঁও জ্বলাই দিয়ে। মিৰিসকলে তেতিয়া তল পৰি ৰজাক বছৰি কৰ দিবলৈ ৰাজী হয়।[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.