![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Tyranov_-_Young_Housewife.jpg/640px-Tyranov_-_Young_Housewife.jpg&w=640&q=50)
গৃহিণী
From Wikipedia, the free encyclopedia
গৃহিণীক (ইংৰাজী: Housewife) গৃহনিৰ্মাতা (ইংৰাজী: Homemaker) বা ঘৰতে থকা মাতৃ/মা/মা বুলিও জনা যায়৷ গৃহিণী হৈছে এনে এগৰাকী মহিলা যাৰ ভূমিকা হ’ল পৰিয়ালৰ ঘৰ চলোৱা বা পৰিচালনা কৰা৷ গৃহ পৰিচালনাৰ লগতে সন্তানৰ যত্ন লোৱাও সন্নিৱিষ্ট হ'ব পাৰে৷ ইয়াৰ উপৰি ঘৰ চাফা আৰু ৰক্ষণাবেক্ষণ কৰা; পৰিয়ালৰ বাবে কাপোৰ চিলোৱা, সামগ্ৰী কিনা আৰু/বা মেৰামতি কৰা; পৰিয়ালৰ বাবে খাদ্য কিনা, ৰন্ধা আৰু জমা কৰা; পৰিয়ালৰ দৈনন্দিন জীৱনৰ বাবে প্ৰয়োজনীয় সামগ্ৰী কিনা; পৰিয়ালৰ বাজেট আংশিকভাৱে বা পূৰ্ণকালীনভাৱে পৰিচালনা কৰা ইত্যাদি[1] গৃহিণীৰ পুৰুষ সমতুল্যজন হ’ল গৃহস্বামী।
![Thumb image](http://upload.wikimedia.org/wikipedia/commons/thumb/5/5e/Tyranov_-_Young_Housewife.jpg/320px-Tyranov_-_Young_Housewife.jpg)
মেৰিয়াম-ৱেবষ্টাৰ অভিধানৰ মতে গৃহিণীৰ সংজ্ঞা হৈছে এগৰাকী বিবাহিত মহিলা যি নিজৰ ঘৰৰ দায়িত্ব লয়।[2]
ব্ৰিটিছ চেম্বাৰ্ছৰ বিংশ শতিকাৰ অভিধানত (১৯০১) গৃহিণীক "ঘৰৰ মালিক; এগৰাকী মহিলা ঘৰুৱা পৰিচালক" বুলি সংজ্ঞায়িত কৰা হৈছে।[3]
পশ্চিমীয়া বিশ্বত বিশেষকৈ মহিলাসকলৰ বাবে কু-সংস্কাৰপূৰ্ণ লিংগ ভূমিকাক কুৰি শতিকাৰ শেষৰ ফালে নাৰীবাদী আন্দোলনে প্ৰত্যাহ্বান জনাইছিল যাতে মহিলাসকলে গৃহিণী হ’ব নে কেৰিয়াৰ গঢ়িব সেইটো তেওঁলোকে বাছনি কৰিব পাৰে। পৰিৱৰ্তিত অৰ্থনীতিৰ ফলত দুই আয়ৰ পৰিয়ালৰ প্ৰাদুৰ্ভাৱো বৃদ্ধি পালে।