![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9e/Ellora_Cave_16_Kailasa_Temple.jpg/640px-Ellora_Cave_16_Kailasa_Temple.jpg&w=640&q=50)
কৈলাশ মন্দিৰ, ইলোৰা
ভাৰতৰ ইলোৰাৰ গুহাত থকা মন্দিৰ / From Wikipedia, the free encyclopedia
কৈলাশ বা কৈলাশনাথ (ইংৰাজী: Kailashanatha, Kailasa) মন্দিৰ হৈছে ভাৰতৰ মহাৰাষ্ট্ৰৰ ঔৰংগাবাদ জিলাৰ সম্ভাজী নগৰৰ সমীপৱৰ্তী ইলোৰা গুহাত থকা শিলত কটা হিন্দু মন্দিৰৰ ভিতৰত সবাতোকৈ ডাঙৰ। শিলৰ মুখত খোদিত বৃহদাকাৰ শিল; ইয়াৰ আকাৰ, স্থাপত্য আৰু ভাস্কৰ্যৰ পৰিশোধনৰ বাবে ইয়াক বিশ্বৰ অন্যতম উল্লেখযোগ্য গুহা মন্দিৰ হিচাপে গণ্য কৰা হয়[1] আৰু "ভাৰতীয় স্থাপত্যৰ শিলত কটা কালছোৱাৰ ক্লাইমেক্স হিচাপে বিবেচিত কৰা হয়। পুৰাতত্ত্ববিদসকলৰ মতে ইয়াক এটা শিলৰ পৰা তৈয়াৰ কৰা হৈছে।[2][3]
কৈলাশ মন্দিৰ | |
---|---|
![]() কৈলাশ মন্দিৰৰ সন্মুখভাগ | |
স্থান | |
দেশ | ভাৰত |
ৰাজ্য | মহাৰাষ্ট্ৰ |
জিলা | শাম্ভাজী নগৰ জিলা, |
স্থান | ইলোৰা গুহা |
স্থানাংক | 20°01′26″N 75°10′45″E |
ইতিহাস | |
প্ৰতিস্থাপক | কৃষ্ণ ১ (৭৫৬-৭৭৩), ৰাষ্ট্ৰকূট সাম্ৰাজ্য |
ইলোৰাৰ গুহাত দুই কিলোমিটাৰতকৈও অধিক দূৰত্বজুৰি ৩৪টা হিন্দু, বৌদ্ধ আৰু জৈন মন্দিৰ ব্যপ্ত হৈ আছে৷ ইয়াৰে ১৬ নম্বৰ গুহাটোত থকা কৈলাশ মন্দিৰ হৈছে সৰ্বৃবৃহৎ৷ [4]মন্দিৰৰ খননৰ অধিকাংশই অষ্টম শতিকাৰ ৰাষ্ট্ৰকুট ৰজা কৃষ্ণ-১ (প্ৰায় ৭৫৬-৭৭৩)ৰ সময়ত হোৱা বুলি কোৱা হয়৷ কিছু অংশ ইয়াৰ পিছত সম্পূৰ্ণ কৰা হয়। মন্দিৰৰ স্থাপত্যত পল্লৱ আৰু চালুক্য শৈলীৰ নিদৰ্শন দেখা যায়। মন্দিৰটোত স্থাপত্যৰ সমান বৃহৎ পৰিসৰত কেইবাটাও দেৱাল-খোদিত ভাস্কৰ্য আৰু মুক্তভাৱে থিয় হৈ থকা ভাস্কৰ্য আছে৷ অৱশ্যে প্ৰথম পৰ্যায়ৰ চিত্ৰসমূহৰ কিছু অংশহে বৰ্তমান দৃশ্যমান হৈ আছে ৷[5]